پاک افغان باہمی تجارت رکاوٹیں خاتمہ کیلئے تجاویز پیش

پشاور(اُردو پوائنٹ اخبارتازہ ترین - این این آئی۔ 25 اکتوبر2024ء) سرحد چیمبر آف کامرس اینڈ انڈسٹری کے صدر فضل مقیم خان نے پاک افغان باہمی تجارت اورٹرانزٹ ٹریڈ میں رکاوٹوں کو دور کرنے کیلئے جامہ تجاویز پیش کردی۔ اضا خیل ڈرائی پورٹ میں ایکسپورٹ کنسائمنٹ کی کلیئرنس کے عمل کو تیز اور پشاور ڈرائی پورٹ کوفعال بنانے سمیت کراس بارڈر ٹریڈ سے جڑے مسائل کے فوری حل کے لئے سرحد چیمبر اور محکمہ کسٹمز پشاور آفس میں کوآرڈینیشن اور روابط کو مزید مضبوط بنانے پر اتفاق ہوا ہے جبکہ دو طرفہ تجارت بڑھانے کے لئے ڈیوٹیز / ٹیرف پر نظرثانی اور ون ونڈو آپریشن کے تحت تاجروں اور ایکسپورٹرز اور امپورٹرز کو سہولیات کی فراہمی کا مطالبہ کیا گیا۔

تفصیلات کے مطابق سرحد چیمبر آف کامرس اینڈ انڈسٹری کے صدر فضل مقیم خان کی سربراہی میں تاجروں کے اعلیٰ سطحی وفد کا گذشتہ روز چیف کلکٹر کسٹمز جمیل ناصر سے ماڈل کسٹمز ہاؤس پشاور میں اہم ملاقات ہوئی ہے۔

(جاری ہے)

ملاقات کے دوران سرحد چیمبر کے سینئر نائب صدر عبدالجلیل جان،ْ سابق صدر سرحد چیمبر فیض محمد فیضی ،ْ سابق سینئر نائب صدر اور ایگزیکٹو ممبرضیاء الحق سرحدی ،ْ ایگزیکٹو ممبران آفتاب اقبال ،ْ اشفاق احمد کے علاوہ تاجر ،ْ ایکسپورٹرز اور امپورٹرز اور بزنس کمیونٹی کے نمائندے بھی موجود تھے۔

کلکٹر آپریزمنٹ متین عالم ،ْ کلکٹر انفورسمنٹ پشاور ضیاء اللہ شمس اورایڈیشنل کلکٹر کسٹمز طورخم شاکر محمد نے بھی اجلاس میں شرکت کی۔ سرحد چیمبر کے صدر فضل مقیم خان نے اجلاس کے دروان پاک باہمی تجارت اور ٹرانزٹ ٹریڈ کے عمل میں درپیش مسائل ،ْ آپریشنل معاملات اور کسٹمز اسکواڈ اور شپمنٹ کلیئرنس میں سست روی اور دیگر مشکلات کے حوالے سے تاجروں کے خدشات و تحفظات سے چیف کلکٹر کسٹمز جمیل ناصر کو تفصیلی طور پر آگاہ کیا اور باہمی تجارت سے جڑے مسائل کے فوری حل کے لئے سرحد چیمبر اور محکمہ کسٹمز کے درمیان مضبوط کوآرڈینیش اور تعلقات کو استوار کرنے پر زور دیا ہے اور ان کے حل کیلئے جامہ تجاویز بھی پیش کیں۔

اس موقع پر چیف کلکٹر کسٹمز جمیل ناصر نے تاجروں اور ایکسپورٹرز ،ْ امپورٹرز کے مسائل کو کافی توجہ سے سنا اور ان کے فوری حل اور بزنس کمیونٹی کی مشکلات کے ازالہ کے لئے متعلقہ حکام کو موقع پر ہی احکامات جاری کیں۔ چیف کلکٹر کسٹمز جمیل ناصر کا کہنا تھا کہ محکمہ کسٹمز باہمی تجارت میں آسانیاں اور نظام کو تیز بنانے کے لئے اقدامات اٹھا رہا ہے اور بزنس کمیونٹی کے مشکلات کے ازالہ اور دو طرفہ تجارت کی بہتری کے لئے روابط کو مزید مستحکم ،ْ بہتر بنانے کی اشد ضرورت ہے۔

اجلاس میں یہ بات سامنے آئی ہے کہ امپورٹ کنسائمنٹ کی کلیئرنس کی بنیادی وجہ بروقت GDs فائل نہ ہونا ہے جس پر چیف کلکٹر کسٹمز جمیل ناصر اور سرحد چیمبر کے صدر فضل مقیم خان نے تاجروں اور ایکسپورٹرز ،ْ امپورٹرز سے کہا کہ وہ GDs کو جلد فائل کرے اگر GDs فائل کرنے کے 3روز بعد کلیئرنس کا عمل مکمل نہ کیاگیا تو اس پر پُرزور محکمانہ ایکشن لیا جائے گا۔

اس موقع پر چیف کلکٹر کسٹمز جمیل ناصر نے کنسائمنٹ کلیئرنس کے حوالے سے مختلف اعداد و شمار سے بھی اجلاس کے شرکاء کو آگاہ کیا اور کہا کہ باہمی تجارت اور ٹرانزٹ ٹریڈ کے حوالے سے تمام رکاوٹوں اور مشکلات کو دور کرنے کے لئے عملی اقدامات کی ہدایات جاری کیں۔ انہوں نے کہاکہ محکمہ کسٹمز کے اسکواڈ انفارمیشن بیس کارروائی عمل میں لائے گی ارو جلد ہی ایک آن لائن سسٹم کسٹمز ہاؤس میں شروع کیا جا رہا ہے جو کہ کسٹمز اسکواڈ کی مانیٹرنگ کرے گا۔

انہوں نے کسٹمز اسکواڈ کو یونیفارم پہنانے کی بھی ہدایات جاری کیں۔ چیف کلکٹر جمیل ناصر نے کہا کہ کرپشن ناقابل برداشت ہے اور محکمہ کارروائی متعلقہ افسران / اہلکاروں کے خلاف صرف و صرف ثبوت کی بنیاد پر عمل میں لائی جائے گی۔ سرحد چیمبر کے صدر فضل مقیم خان نے چیف کلکٹر کی جانب سے تاجروں کے مسائل کو غور سننے اور موقع پرہدایات جاری کرنے پر شکریہ ادا کیا اور کہا ہے کہ آئندہ ماہ تک مسائل کے حل سے متعلق پیش رفت کا جائزہ لینے کے لئے اجلاس سرحد چیمبر میں منعقد کیا جائے گا۔ قبل ازیں چیف کلکٹر کسٹمز جمیل ناصر نے سرحد چیمبر کی نو منتخب کابینہ کے اراکین کو مبارکباد بھی پیش کی۔