اسلام آباد ، پنجاب کے بیشتر شہروں میں موسم خشک رہنے کا امکان ،محکمہ موسمیات کی پیشگوئی

پیر 4 نومبر 2024 20:26

اسلام آباد(اُردو پوائنٹ اخبارتازہ ترین - این این آئی۔ 04 نومبر2024ء) محکمہ موسمیات نے کہاہے کہ اسلام آباد اور پنجاب کے بیشتر شہروں میں موسم خشک رہنے کا امکان ہے۔

(جاری ہے)

ترجمان محکمہ موسمیات کے مطابق صبح اور رات کے اوقات میں سیالکوٹ، نارووال،گوجرانوالہ،لاہور،اوکاڑہ ، شیخوپورہ،قصور،فیصل آباد،سرگودھا،،بہاولپور،ملتان،رحیم یارخان،ڈی جی خان میں اسموگ کی توقع ہے۔خیبرپختونخوا کے بیشتر اضلاع میں موسم خشک،پہاڑی علاقوں میں موسم سرد رہنے کا امکان ہے۔ سندھ کے بیشتر اضلاع میں موسم گرم اور خشک رہے گا ۔ بلوچستان کے بیشتر اضلاع میں موسم خشک،پہاڑی علاقوں میں موسم سرد رہنے کی توقع ہے۔ کشمیر اور گلگت بلتستان میں موسم خشک اور سرد رہنے کا امکان ہے۔