ملک کے بیشتر علاقوں میں موسم خشک اور پہاڑی علاقوں میں سرد رہنے کا امکان

پیر 11 نومبر 2024 23:13

اسلام آباد (اُردو پوائنٹ اخبارتازہ ترین - اے پی پی۔ 11 نومبر2024ء) آئندہ 24 گھنٹوں کے دوران ملک کے بیشتر علاقوں میں موسم خشک جبکہ پہاڑی علاقوں میں سرد رہنے کا امکان ہے تاہم گلگت بلتستان میں مطلع ابر آلود رہنے کے علاوہ چند مقا مات پربارش اور بلند و بالاپہاڑوں پر ہلکی برف باری کی توقع ہے، خیبر پختونخوا کے میدانی علاقوں اور پنجاب کے زیادہ تر علاقوں میں سموگ چھائے رہنے جبکہ صبح اور رات کے اوقات میں شدید د ھند پڑنے کا امکان ہے۔

(جاری ہے)

پیر کو محکمہ موسمیات کے مطابق گذشتہ 24 گھنٹوں کے دوران ملک کے بیشتر علاقوں میں موسم خشک جبکہ پہا ڑی علاقوں میں سرد رہا۔ پنجاب کے زیادہ تر علا قے سموگ /د ھند کی لپیٹ میں رہے تاہم بالائی خیبر پختونخوا، کشمیر، خطہ پوٹھوہاراور گلگت بلتستان میں تیز ہوائوں اور گرج چمک کے ساتھ بارش ہوئی۔سب سے زیادہ بارش خیبر پختونخوا: کاکول 27، مالم جبہ 10، کالام، پٹن09، بالاکوٹ 07، میر خانی، سیدو شریف، تخت بائی 04، دیر (اوپر 03، لوئر 01)، چترال01 ، کشمیر: گڑھی دوپٹہ 13، مظفرآباد (ایئرپورٹ، سٹی 07)، راولاکوٹ 03 ، پنجاب: مری 10 ،گلگت بلتستان: ہنزہ02، استور، چلاس میں ایک ملی میٹر بارش ریکارڈ ہوئی۔پیر کو ریکارڈکئے گئے کم سےکم درجہ حرارت: لہہ منفی02 اورقلات میں03ڈگری سینٹی گریڈ ریکارڈ کیا گیا۔