آئندہ چوبیس گھنٹوں کے دوران لاہور سمیت پنجا ب کے بیشتر علاقوں میں موسم خشک رہنے کا امکان ہے ۔محکمہ موسمیات

پیر 11 نومبر 2024 23:19

لاہور (اُردو پوائنٹ اخبارتازہ ترین - اے پی پی۔ 11 نومبر2024ء) محکمہ موسمیات کی پیشگوئی کے مطابق آئندہ چوبیس گھنٹوں کے دوران صوبائی دارالحکومت لاہور سمیت پنجا ب کے بیشتر علاقوں میں سموگ اور دھند کے چھائے رہنے اور دیگر اضلاع میں موسم کے خشک رہنے کا امکان ہے ۔

(جاری ہے)

تر جمان محکمہ موسمیات کے مطابق سیالکوٹ، نارووال ، گوجرانوالہ ،لاہور، شیخوپورہ،،قصور،اوکاڑہ ، فیصل آباد،سرگودھا،جھنگ ،بہاولپور ،ملتان ، رحیم یار خان،ڈی جی خان اور گردونواح میں شدید سموگ اور د ھند چھائے رہنے کی توقع ہے ، گزشتہ روز پنجاب کے زیادہ تر علا قے سموگ اورد ھند کی لپیٹ میں رہے جبکہ بالائی علاقوں میں بارش ہوئی۔

لاہور میں کم سے کم درجہ حرارت 18اور زیادہ سے زیادہ 26سینٹی گریڈ ریکارڈ کیا گیا جبکہ ہوا میں نمی کا تناسب 70فیصد رہا۔لا ہور میں آلودگی کی مجموعی شرح 447فیصد رہی جبکہ شہر کے مختلف علاقوں میں ایئر کوالٹی انڈ یکس یو ایم ٹی 611،،سی ای آر پی678،یوایس قونصلیٹ 471،عسکری ٹین 452،فیز ایٹ ڈی ایچ اے 636،فیز ایٹ ایوی گرین 864،پاکستان انجینئر نگ سو سائٹی 641اور سید مراتب علی روڈ پر611 ریکارڈ کیا گیا ۔