راولپنڈی‘ بانی پی ٹی آئی، بشریٰ بی بی، علیمہ خان اور علی امین گنڈاپور پر مقدمہ درج

مقدمے میں اپوزیشن لیڈر عمر ایوب، سابق صدر عارف علوی، شہریار ریاض، حماد اظہر، اسد قیصر کو بھی نامزد کیا گیا

پیر 25 نومبر 2024 12:45

راولپنڈی‘ بانی پی ٹی آئی، بشریٰ بی بی، علیمہ خان اور علی امین گنڈاپور ..

ٹیکسلا (اُردو پوائنٹ اخبارتازہ ترین - این این آئی۔ 25 نومبر2024ء) بانی پی ٹی آئی، بشریٰ بی بی، علیمہ خان اور علی امین گنڈاپور پر راولپنڈی کے تھانہ ٹیکسلا میں مقدمہ درج کر لیا گیا۔ مقدمے میں اپوزیشن لیڈر عمر ایوب، سابق صدر عارف علوی، شہریار ریاض، حماد اظہر، اسد قیصر کو بھی نامزد کیا گیا ہے، مقدمے انسداد دہشت گردی ایکٹ کے تحت درج کیا گیا ہے۔

ایف آئی آر کے مطابق بانء پی ٹی آئی نے علیمہ خان کے ذریعے عوام کو 24 نومبر کے احتجاج کا پیغام دیا۔بشریٰ بی بی نے 19 نومبر کے ویڈیو پیغام میں کارکنوں کو اسلام آباد پہنچنے کا کہا۔

(جاری ہے)

مقدمے کے متن کے مطابق ملزمان نے پٴْرتشدد احتجاج کر کے شہریوں کی زندگیوں کو خطرے میں ڈالا اور جلاؤ گھیراؤ کیا۔ملزمان نے ریاستی اداروں کے خلاف نعرہ لگائے، عوام میں خوف و ہراس پھیلایا۔

مقدمے میں دہشت گردی سمیت 13 دفعات شامل ہیں۔دوسری جانب فیصل آباد کے تھانہ غلام محمد آباد میں بانء پی ٹی آئی سمیت 45 افراد پر مقدمہ درج کر لیا گیا ہے۔پولیس کے مطابق مقدمہ انسداد دہشت گردی کی دفعہ 7 سمیت 13 دفعات کے تحت درج کیا گیا ہے۔پولیس کا کہنا ہے کہ املاک کو نقصان پہنچانے، پولیس پر حملے سمیت دیگر الزامات میں 35 افراد کو گرفتار کیا گیا ہے۔