آج سے کراچی میں سردی بڑھنے اور تیز ہوائیں چلنے کا امکان

4 دسمبر کو شہر کا درجہ حرارت 16 ڈگری سینٹی گریڈ ریکارڈ ہوسکتا ہے، محکمہ موسمیات

پیر 2 دسمبر 2024 17:26

کراچی(اُردو پوائنٹ اخبارتازہ ترین - این این آئی۔ 02 دسمبر2024ء) محکمہ موسمیات نے کل (پیر) اورکل( بدھ)سے شہر میں تیز ہوائیں چلنے کی پیشگوئی کردی۔ارلی وارننگ سینٹر کی پیش گوئی کے مطابق معمول سے تیز ہوائیں چلنے کے سبب درجہ حرارت میں کمی و خنکی میں اضافے کا امکان ہے۔

(جاری ہے)

اگلے چند روز تک شہر میں بلوچستان کی مشرقی/ شمال مشرقی سمت کی ہوائیں چل سکتی ہیں، 4 دسمبر کو شہر کا درجہ حرارت 16 ڈگری سینٹی گریڈ ریکارڈ ہوسکتا ہے۔محکمہ موسمیات کے مطابق دیہی سندھ کے اضلاع قمبرشہداد کوٹ،لاڑکانہ اور جیکب آباد میں آج ہلکی بارش و بوندا باندی کا امکان ہے۔صوبے کے دیگر اضلاع میں خشک موسم کے ساتھ خنک رات جبکہ بالائی سندھ کے اضلاع میں صبح کے وقت دھند پڑنے کا بھی امکان ہے۔