پاکستان کی میزبانی میں چیمپئنز ٹرافی ہائبرڈ ماڈل پر ہوگی، بھارتی میڈیا کا دعویٰ

اگلے 3 سال تک پاکستان، بھارت ایک دوسرے کے ملک میں نہیں کھیلیں گے، چیمپئنز ٹرافی میں بھارت اپنے میچز دبئی میں کھیلے گا: بھارتی میڈیا کا دعویٰ

ذیشان مہتاب جمعرات 5 دسمبر 2024 22:38

پاکستان کی میزبانی میں چیمپئنز ٹرافی ہائبرڈ ماڈل پر ہوگی، بھارتی میڈیا ..

لاہور (اردو پوائنٹ تازہ ترین اخبار ۔ 5 دسمبر 2024ء ) بھارتی میڈیا نے دعویٰ کیا ہے کہ آئی سی سی چیمپئنز ٹرافی کے معاملے کی گتھی سلجھ گئی ہے اور معاملات طے پاگئے ہیں۔

بھارتی خبر رساں ادارے ٹائمز آف انڈیا نے دعویٰ کیا ہے کہ پاکستان کی میزبانی میں چیمپئنزٹرافی ہائبرڈ ماڈل پر ہوگی۔ چیمپئنز ٹرافی میں بھارت اپنے میچز دبئی میں کھیلے گا۔

بھارتی میڈیا کا کہنا ہے کہ 3 سال تک پاکستان، بھارت ایک دوسرے کے ملک میں نہیں کھیلیں گے۔

ٹی ٹونٹی ورلڈ کپ 2026ء کے بھارت اورسری لنکا مشترکہ میزبان ہیں۔

(جاری ہے)

واضح رہے کہ پاکستان کرکٹ بورڈ نےہی چیمپئنز ٹرافی کے تنازع کے دیرپا حل کیلئے پارٹنرشپ فارمولا پیش کیا تھا جس کے مطابق پاکستان اور بھارت دونوں ممالک ایک دوسرے کے ملک میں کوئی ایونٹ نہیں کھیلیں گے ۔

فارمولے میں کہا گیا تھا کہ بھارت دبئی میں میچز کھیلے گا اور پاکستان بھی اگلے 3 سال تک اپنے تمام میچز دبئی میں کھیلے گا۔ تاہم اس حوالے سے بھارتی کرکٹ بورڈ یا آئی سی سی کی جانب سے کوئی باضابطہ جواب سامنے نہیں آیا تھا۔

دوسری جانب پاکستان کرکٹ بورڈ کا بھارتی میڈیا کے چیمپئنز ٹرافی کے معاملات طے پاجانے کے دعوے پر کوئی ردعمل سامنے نہیں آیا۔