اگلے دو سے تین روز کے دوران شہر کا درجہ حرارت سنگل ڈیجیٹ تک آ سکتا ہے، محکمہ موسمیات

بدھ 18 دسمبر 2024 16:05

کراچی(اُردو پوائنٹ اخبارتازہ ترین - این این آئی۔ 18 دسمبر2024ء)شہر قائد سمیت دیہی سندھ کے مختلف اضلاع میں سردی کی موجودہ لہر مزید 10روز تک برقرار رہ سکتی ہے۔

(جاری ہے)

محکمہ موسمیات کے مطابق اگلے دو سے تین روز کے دوران شہر کا درجہ حرارت سنگل ڈیجیٹ تک آ سکتا ہے جبکہ سردی کی موجودہ لہر کے دوران کبھی کبھار ہواں کی رفتار میں اضافہ بھی متوقع ہے۔دیہی سندھ کے ضلع تھرپارکر اور عمرکوٹ میں کم سے کم درجہ حرارت معمول سے 6 ڈگری کم ریکارڈ ہوسکتا ہے۔چیف میٹرولوجسٹ کراچی سردار سرفرازکے مطابق سردی کی شدت بلوچستان کی شمال مشرقی ہوائوں کے سبب ہے تاہم سمندری ہوائیں بحال ہونے کے بعد سردی کی شدت میں کمی ہوسکتی ہے۔