احمد چنائے 3 بار شیروانی سلواچکے ہیں، گورنر سندھ کامران ٹیسوری کا انکشاف

خالد مقبول بھائی نے کہہ دیا ہے کہ ان سے پوچھے بغیر کوئی نہیں ہٹا سکتا، وہ میرے پیچھے کھڑے ہیں، پوری پارٹی اور مہاجر قوم میرے پیچھے کھڑی ہے،کامران ٹیسوری

بدھ 25 دسمبر 2024 13:23

احمد چنائے 3 بار شیروانی سلواچکے ہیں، گورنر سندھ کامران ٹیسوری کا انکشاف

کراچی(اُردو پوائنٹ اخبارتازہ ترین - این این آئی۔ 25 دسمبر2024ء)گورنر سندھ کامران ٹیسوری نے انکشاف کیا ہے کہ بیچارے احمد چنائے 3 بار شیروانی سلواچکے ہیں۔گورنرہائوس میںیوم ثقافت کی تقریب سے خطاب میں کامران ٹیسوری نے کہا کہ مہاجر ثقافت دن کو شہدا کی فیملیز کے نام منسوب کرتا ہوں۔ کوئی شک میں نہ رہے، پاکستان بنایا بھی ہم ہی نے تھا اور ہم ہی اسے بچائیں گے۔

(جاری ہے)

گورنر سندھ نے مزید کہا کہ میری گورنرشپ چھوٹی سی قیمت ہے، جانا ہوگی تو چلی جائے گی، اصل میری قوم ہے اور مجھے میری قوم اور مہاجر ہونے پر فخر ہے۔انہوں نے کہاکہ مجھے کوئی ندامت یا شرمندگی نہیں، بار بار میڈیا پر چلتا ہے کہ آج جارہا ہوں کل جارہا ہوں، بیچارے احمد چنائے 3 بار شیروانی سلوا چکے ہیں۔ میری باتوں پر فاروق ستار حیران اور پریشان ہو رہے ہیں۔کامران ٹیسوری نے یہ بھی کہا کہ خالد مقبول صدیقی بھائی نے کہہ دیا ہے کہ ان سے پوچھے بغیر کوئی نہیں ہٹا سکتا، وہ میرے پیچھے کھڑے ہیں، میری پوری پارٹی اور مہاجر قوم میرے پیچھے کھڑی ہے۔