خیبر پختونخوا میں موسم سرد اور جزوی ابرآلود رہے گا،محکمہ موسمیات

پیر 6 جنوری 2025 22:41

پشاور(اُردو پوائنٹ اخبارتازہ ترین - این این آئی۔ 06 جنوری2025ء)خیبر پختونخوا میں موسم سرد اور جزوی ابرآلود رہے گا ،آئندہ چوبیس گھنٹوں کے دوران صوبے کے بیشتر اضلاع میں بارش اور پہاڑوں پر برف باری کا امکان ہے۔

(جاری ہے)

محکمہ موسمیات کے مطابق خیبر پختونخوا میں موسم سرد اور جزوی ابرآلود رہے گا ،آئندہ چوبیس گھنٹوں کے دوران چترال ، دیر ، سوات ، کوہستان ، شانگلہ ،بٹگرام ، تورغر ،مانسہرہ ، ایبٹ آباد ، مالاکنڈ ، باجوڑ ، خیبر ، کرم اور اورکزئی میں گرج چمک کے ساتھ بارش کا امکان ہے ، صوبے کے بالائی اضلاع میں پہاڑوں پر برف باری کا امکان ہے ،، پشاور، نوشہرہ ، مردان ، چارسدہ ، صوابی ، بنوں ، ڈی آئی خان اور لکی مروت میں دھند پڑے گی ،گذشتہ روز چترال ، دیر ، سوات، کوہستان ، ایبٹ آباد ، مردان ، کرم اور ڈی آئی خان میں بارش ہوئی،،چترال میں 11 ، کالام اور دروش میں 2 ، مالم جبہ میں 1انچ برف باری ہوئی،،سب سے زیادہ بارش چترال میں 72 ملی میٹر ریکارڈ ہوئی ،، میر کھنی میں 29 ، دورش میں 20 ، کالام میں 4 ، تیمر گرہ اور پٹن میں 3 ملی میٹر بارش ہوئی ،،پشاور کا کم سے کم درجہ حرارت 4 ڈگری سینٹی گریڈ ریکارڈ ہوا ،، شہر کا زیادہ سے زیادہ درجہ حرارت 20 ڈگری سینٹی گریڈ تک جانے کا امکان ہے ،، پارا چنار میں درجہ حرارت منفی 4 ، دیر اور دورش میں منفی 1 ڈگری سینٹی گریڈ ریکارڈ ہوا۔