خیبر پختونخوا میں موسم سرد اور خشک رہے گا، محکمہ موسمیات

ہفتہ 11 جنوری 2025 22:27

پشاور(اُردو پوائنٹ اخبارتازہ ترین - این این آئی۔ 11 جنوری2025ء)خیبر پختونخوا میں موسم سرد اور خشک رہے گا ، آئندہ چوبیس گھنٹوں کے دوران چترال ، دیر ، سوات ، کوہستان ، مانسہرہ ، بٹگرام اور تورغر میں بارش اور پہاڑوں پر ہلکی برف باری کا امکان ہے ۔

(جاری ہے)

محکمہ موسمیات کے مطابق خیبر پختونخوا میں موسم سرد اور خشک رہے گا ، آئندہ چوبیس گھنٹوں کے دوران چترال ، دیر ، سوات ، کوہستان ، مانسہرہ ، بٹگرام اور تورغر میں گرج چمک اور تیز ہوائوں کے ساتھ بارش اور پہاڑوں پر ہلکی برف باری کا امکان ہے ، چارسدہ، نوشہرہ، مردان، صوابی، ڈی ائی خان میں صبح اور رات کے اوقات میں دھند چھائی رہنے کا امکان ہے ،، پشاور کا کم سے کم درجہ حرارت 2 ڈگری سینٹی گریڈ ریکارڈ کیا گیا ، شہر کا زیادہ سے زیادہ درجہ حرارت 25 ڈگری سینٹی گریڈ تک جانے کا امکان ہے ،، سب سے کم درجہ حرارت کالام میں منفی 8 ڈگری سینٹی گریڈ ریکارڈ کیا گیا ، دیر اور پارا چنار میں منفی 3 ، دورش میں منفی 2 ، میر کھنی ، چترال ، تیمرگرہ اور کاکول میں منفی 1 ڈگری سینٹی گریڈ ریکارڈ کیا گیا۔