حمزہ شہباز وزارت اعلیٰ کیس : پرویز الٰہی کو نوٹس کی تعمیل نہ ہونے کے باعث دوبارہ نوٹس جاری ،غیرمعینہ مدت تک ملتوی

جمعرات 6 فروری 2025 19:56

اسلام آباد (اُردو پوائنٹ اخبارتازہ ترین - آن لائن۔ 06 فروری2025ء)سپریم کورٹ کے آئینی بنچ نے حمزہ شہباز وزارت اعلیٰ کیس میں پرویز الٰہی کو نوٹس کی تعمیل نہ ہونے کے باعث دوبارہ نوٹس جاری کرتے ہوئے سماعت غیرمعینہ مدت تک ملتوی کردی۔جسٹس محمد علی مظہر نے کہاکہ آرٹیکل 63اے والا فیصلہ ہی ختم ہو گیا تو اس کیس میں کیا بچا ہے۔

(جاری ہے)

انھوں نے یہ ریمارکس جمعرات کے روزدیے ہیں ،سپریم کورٹ آئینی بنچ میں حمزہ شہباز وزارت اعلیٰ کیس کی سماعت ہوئی، جسٹس امین الدین خان کی سربراہی میں 7رکنی آئینی بنچ نے سماعت کی،عدالتی عملہ نے کہاکہ پرویز الٰہی کو نوٹس جاری ہوا لیکن تعمیل نہیں ہو سکی تھی،جسٹس محمد علی مظہر نے استفسار کیاکہ کیا اس کیس میں اب کچھ رہ گیا ہی عدالت نے کہاکہ جس فیصلے پر نظرثانی چاہتے ہیں وہ آرٹیکل 63اے والے کیس کی بنیاد پر تھا،جسٹس محمد علی مظہر نے کہاکہ آرٹیکل 63اے والا فیصلہ ہی ختم ہو گیا تو اس کیس میں کیا بچا ہے۔

وکیل حمزہ شہباز نے کہاکہ وزیراعلیٰ پنجاب الیکشن کیس کا فیصلہ اب بھی برقرار ہے،عدالت نے چودھری پرویز الٰہی کو دوبارہ نوٹس جاری کردیا،عدالت نے مزیدسماعت غیرمعینہ مدت تک ملتوی کردی۔