بانی پی ٹی آئی نے جن کے نام پر خط لکھا انہوں نے ردی کی ٹوکری میں پھینک دیا ‘ عظمی بخاری

جمعرات 6 فروری 2025 23:42

لاہور(اُردو پوائنٹ اخبارتازہ ترین - این این آئی۔ 06 فروری2025ء)وزیر اطلاعات پنجاب عظمی بخاری نے کہا ہے کہ بانی پی ٹی آئی نے جن کے نام پر خط لکھا انہوں نے ردی کی ٹوکری میں پھینک دیا ہے۔ مہاتما نے خط نہیں لکھا بلکہ کھلا تحریری این آر او مانگا ہے۔جو ڈٹ گیا تھا اور ہار نہیں مان رہا تھا، اب وہ تلوے چاٹ رہا ہے۔آج موصوف کے بلڈ پریشر بڑھنے اور سنسناہٹ کے مرض میں مبتلا ہونے کی بھی رپورٹ آئی ہے۔

لوگوں کو حقیقی آزادی کے مارکے سنانے والا ذہنی دبا کا شکار ہو چکا ہے۔

(جاری ہے)

ان خیالات کا اظہار انہوں نے برسٹر سیف کے بیان پر ردعمل دیتے ہوئے کیا۔ انہوں نے پوچھا کہ بھائی صاحب کیا آپ لوگوں کی دماغی حالت درست نہیں یا یہ حرکتیں جان بوجھ کے کرتے ہیں ایک ٹولہ نواز شریف اور مریم نواز کے بغض میں جل کر راکھ ہوتا رہے گا۔جیل کی دیواروں نے بانی پی ٹی آئی کے سوچنے اور سمجھنے کی صلاحیت کو ختم کر دیا ہے۔ وزیر اطلاعات نے مزید کہا کہ بانی پی ٹی آئی جیل سے نکلنے کے لیے اپنے تمام کارڈ کھیل چکے ہیں۔اب ان کے پاس صرف شرم سے معافی مانگنے والا کارڈ ہی باقی رہ گیا ہے۔