ڈپٹی کمشنر جہلم میثم عباس کی زیر صدارت ایکسیڈنٹ ریویو کمیٹی کا اجلاس

منگل 11 فروری 2025 23:42

جہلم (اُردو پوائنٹ اخبارتازہ ترین - اے پی پی۔ 11 فروری2025ء) ڈپٹی کمشنر جہلم میثم عباس کی زیر صدارت ایکسیڈنٹ ریویو کمیٹی کا اجلاس منعقد ہوا جس میں محکمہ پولیس، ٹریفک پولیس، روڈ ٹریفک اتھارٹی ،اسسٹنٹ کمشنر جہلم شمس الرحمٰن ریسکیو 1122 اور ہائی وے جہلم سمیت دیگر محکموں کے افسران نے شرکت کی۔

(جاری ہے)

اجلاس میں بریفنگ دیتے ہوئے ڈسٹرکٹ آفیسر ریسکیو انجینیئر سعید احمد نے بتایا کہ ضلع جہلم میں سال 2024 کے دوران 3749 ایکسیڈنٹ ہوئے جس میں 3400 سے زیادہ حادثات صرف موٹر سائیکل سواروں کے تھے جس میں 47 قیمتی جانیں ضائع ہوئیں۔

انہوں نے بریفنگ میں بتایا کہ ضلع جہلم میں جی ٹی روڈ کے اوپر پانچ ایسے مقامات ہیں جہاں ایکسیڈنٹ کی شرح بہت زیادہ ہے یہاں حادثات کو کم کرنے کے لیے ایک بڑی سروس روڈ اور غیر ضروری یو ٹرن کو ختم کرنا ہوگا۔ ڈپٹی کمشنر جہلم نے اس حوالے سے تمام متعلقہ محکمہ کو فوری اقدامات کرنے کی ہدایت کی۔ اس موقع پر ڈی ایس پی ٹریفک طارق شفیع کو ہدایت کی کہ ون وے کی خلاف ورزی کرنے والے ڈرائیور حضرات اور موٹر سائیکل سواروں کے خلاف سخت کارروائی عمل میں لائی جائے۔\378