ملک پر ڈاکوں کا راج ہے، ان سے ملک نہیں چلے گا، اعظم سواتی

فیصلہ کرنیو الوں سے کہتا ہوں اس ملک کو بچائیں، پی ٹی آئی رہنما

بدھ 12 فروری 2025 17:33

لاہور (اُردو پوائنٹ اخبارتازہ ترین - این این آئی۔ 12 فروری2025ء) پاکستان تحریک انصاف کے رہنما اعظم سواتی نے کہا ہے کہ ملک پر ڈاکوئوں کا راج ہے، ان سے ملک نہیں چلے گا،فیصلہ کرنے و الوں سے کہتا ہوں اس ملک کو بچائیں۔انسداد دہشت گردی عدالت لاہور میں پیشی کے بعد میڈیا کے نمائندوں سے بات چیت کرتے ہوئے اعظم سواتی نے کہا کہ ہمارے پیارے ملک پاکستان میں ڈاکوئوں کا راج ہے۔

فیصلہ ساز ان کے سر پر ہاتھ رکھے ہوئے ہیں۔ بار کونسلز بِک جائیں تو یہی حال ہوتا ہے۔انہوں نے کہا کہ نیلسن منڈیلا نے کہا تھا کہ میرا کوئی بنیادی حقوق کا معاملہ نہیں تھا لیکن جب جج کے پاس جاتا تھا تو انصاف ملتا تھا۔ اعظم سواتی نے کہا کہ مجھ پر تشدد کیا گیا ، سارے مقدمات میں ضمانت کے باوجود مجھے فٹبال کی طرح مارا گیا ۔

(جاری ہے)

بانی پی ٹی لوگوں کے دلوں پر راج کرتا ہے ۔

میرے پاکستان کے لوگوں!اس ملک کو بانی پی ٹی آئی کا نظریہ بچا سکتا ہے۔ میں فیصلہ کرنے والے بھائی اور بچوں سے کہتا ہوں اس ملک کو بچائیں ۔ان ڈاکوئوں سے یہ ملک نہیں چلے گا۔اس ملک کے بچے بچے کی محبت اپنے دلوں میں پیدا کریں ،بانی پی ٹی آئی کو ساری دنیا جانتی ہے اسکے مضبوط بازو بنو ،اتنا بڑا لیڈا اللہ نے پاکستان کو دیا ہے ۔انہوںنے کہا کہ میں کل ہسپتال میں تھا تو ڈاکٹر بچیاں آنکھوں میں آنسو لیے آئیں اور کہا بانی پی ٹی آئی کب نکلے گا ۔