نیشنل پارٹی کے وفد کی بلوچستان یونین آف جرنلسٹس کی پیکا ایکٹ کیخلاف احتجاج میں شرکت ،اظہار یکجہتی

جمعہ 14 فروری 2025 22:30

کوئٹہ (اُردو پوائنٹ اخبارتازہ ترین - این این آئی۔ 14 فروری2025ء) نیشنل پارٹی کے مرکزی سینئر نائب صدر میر شاوس حاصل بزنجو کی قیادت میں وفد نے پاکستان فیڈرل یونین آف جرنلسٹس کی کال پر بلوچستان یونین آف جرنلسٹس کی پیکا ایکٹ کے خلاف احتجاج میں شرکت کرکے اظہار یکجہتی کی ،وفد میں نیشنل پارٹی کے مرکزی ترجمان علی احمد لانگو ضلعی جنرل سیکرٹری ریاض زہری ہدایت جتک شامل تھے۔

نیشنل پارٹی کے سینئر نائب صدر و مرکزی ترجمان نے کہا کہ نیشنل پارٹی پیکا ایکٹ کو کالا قانون قرار دیتی ہے اور یہ آزادی اظہار رائے پر سنگین قدغن ہے۔سیاسی جمہوری جماعتوں کی حکومت میں ایسے منفی اور شعور دشمن ایکٹ کی منظوری پر افسوس کیا جاسکتا ہے۔رہنماوں نے گفتگو کرتے ہوئے کہا کہ دنیا جدت کی طرف گامزن ہے ٹیکنالوجی کے میدان میں مقابلہ کیا جارہا ہے۔

(جاری ہے)

ایک طرف سے اے آئی دوسری طرف ڈیپ سیک نے دنیا کو بدل کر رکھ دیااور یہاں موبائل نیٹ ورک کو بند کیا جاتا ہے رہنماؤں نے کہا کہ حکومت گڈ گورننس سے بالکل عاری ہے۔بیروزگاری اور مہنگائی نے عوام کو مشکلات سے دو چار کردیا ہے۔امن و امان کی صورتحال روز بروز بگڑتی جارہی ہے لیکن حکومت بیان بازی پر لگی ہوئی ہے۔ رہنماؤں نے کہا کہ حکومت اپنی ناقص کارکردگی کو چھپانے کے لئے پیکا ایکٹ جیسے منفی ایکٹ کو منظور کیا جاتا ہے کیونکہ قابل ممات ہے۔نیشنل پارٹی کے رہنماؤں نے کہا کہ نیشنل پارٹی نے پیکا ایکٹ کے خلاف پارلیمان میں آواز بلند کی اور اس کو میڈیا کی آزادی پر قدغن اور شعور کا گلہ گھونٹے کا مترادف سمجھتی ہے۔نیشنل پارٹی صحافیوں برادری کے ساتھ ہے۔