ملک کے کئی علاقے شدید زلزلے سے لرز گئے

اسلام آباد، راولپنڈی، مری سمیت کئی علاقوں میں شدید زلزلے کے باعث خوف و ہراس پھیل گیا

محمد علی ہفتہ 15 فروری 2025 23:06

اسلام آباد (اُردو پوائنٹ اخبارتازہ ترین۔ 15 فروری2025ء) ملک کے کئی علاقے شدید زلزلے سے لرز گئے، اسلام آباد سمیت کئی علاقوں میں شدید زلزلے کے باعث خوف و ہراس پھیل گیا۔ تفصیلات کے مطابق وفاقی دارالحکومت اسلام آباد سمیت راولپنڈی، مری کے علاوہ پنجاب اور خیبرپختونخواہ کے کئی علاقے ہفتے کی شب کو شدید زلزلے سے لرز گئے۔

(جاری ہے)

زلزلے کے جھٹکوں کی شدت زیادہ ہونے کی وجہ سے خوف و ہراس پھیل گیا، شہری باآواز بلند کلمہ طیبہ کا ورد کرتے ہوئے گھروں اور عمارتوں سے باہر نکل آئے۔ میڈیا رپورٹس میں بتایا گیا ہے کہ زلزلہ پیما مرکز سے موصول ہونے والی ابتدائی معلومات کے مطابق زلزلے کی شدت 4 عشاریہ 8 تھی۔ تاہم زلزلے کے باعث کسی جانی یا مالی نقصان کی اطلاع سامنے نہیں آئی۔