بابر اعظم! پاک ،بھارت میچ میں میرا دل توڑا تو آپ کو طلاق طلاق طلاق، خاتون مداح کی ویڈیو وائرل

گزشتہ برس قومی کرکٹ ٹیم کے سابق کپتان کو سنچری بنانے پر اپنے والد کی مرسیڈیز دینے کا اعلان کرنے والی مداح نبیہہ کی ایک اور ویڈیو منظرِ عام پر آگئی

ذیشان مہتاب ہفتہ 22 فروری 2025 17:57

بابر اعظم! پاک ،بھارت میچ میں میرا دل توڑا تو آپ کو طلاق طلاق طلاق، ..

لاہور (اردو پوائنٹ تازہ ترین اخبار ۔22 فروری 2025ء ) قومی کرکٹ ٹیم کے سابق کپتان بابر اعظم کی ایک مداح نے کل بروز اتوار کو ہونے والے پاک بھارت ٹاکرے سے قبل خاص پیغام دے دیا۔

گزشتہ برس قومی کرکٹ ٹیم کے سابق کپتان بابر اعظم کو سنچری بنانے پر اپنے والد کی مرسیڈیز دینے کا اعلان کرنے والی مداح نبیہہ کی ایک اور ویڈیو منظرِ عام پر آئی ہے۔

(جاری ہے)

سوشل میڈیا پر وائرل ویڈیو میں بابر اعظم کی برطانیہ میں مقیم خاتون مداح نبیہہ اپنے من پسند کھلاڑی سے دل نہ توڑنے کا مطالبہ کرتی دکھائی دے رہی ہیں اور بابر اعظم کو مخاطب کرتے ہوئے کہتی ہیں کہ ’بابر اعظم! اگر سنڈے کو اس بار آپ نے میرا دل توڑا تو آپ کو طلاق طلاق طلاق‘۔

View this post on Instagram

یاد رہے کہ گزشتہ برس بابر اعظم کی مداح نبیہہ نے اس وقت سوشل میڈیا صارفین کی توجہ حاصل کی تھی جب انہوں نے پاکستان اور انگلینڈ کے درمیان ہونے والے ٹی 20 میچ میں بابر اعظم سے سنچری کا مطالبہ کرتے ہوئے کہا تھا کہ اگر بابر سنچری بنائیں گے تو میں اپنے پپّا کی مرسیڈیز انہیں تحفے میں دے دوں گی۔

واضح رہے کہ چیمپئنز ٹرافی 2025ء میں کل بروز اتوار کو روایتی حریف پاکستان اور بھارت کے درمیان سنسنی خیز مقابلہ ہونے والا ہے ۔