چیمپئنز ٹرافی ، پاکستان کرکٹ بورڈ کا بارش سے متاثرہ میچوں کے ٹکٹوں کی رقم واپسی کا اعلان

لاہور (اُردو پوائنٹ اخبارتازہ ترین - این این آئی۔ 01 مارچ2025ء) پاکستان کرکٹ بورڈ نے آئی سی سی چیمپئنز ٹرافی 2025 کے دو میچوں کے ٹکٹوں کی رقم کی مکمل واپسی کا اعلان کیا ہے جو راولپنڈی کرکٹ اسٹیڈیم میں بغیرگیند کرائے ختم ہوگئے تھے۔ متاثرہ میچوں میں 25فروری کو آسٹریلیا بمقابلہ جنوبی افریقہ اور 27فروری کو بنگلہ دیش بمقابلہ پاکستان شامل ہیں۔آئی سی سی چیمپئنز ٹرافی 2025کے لیے پی سی بی ٹکٹ کی واپسی کی پالیسی کے مطابق ٹکٹ ہولڈر مکمل رقم کی واپسی کے اہل ہیں اگرمیچ ٹاس سے پہلے ہی ختم کردیا گیا ہو۔

پی سی بی کے مطابق تمام انکلوژر کے ٹکٹ واپس کر دیئے جائیں گے۔ ہاسپٹلیٹی باکسز کے ٹکٹ (باکس اور پی سی بی گیلری) کے ٹکٹ ہولڈرز رقم کی واپسی کے اہل نہیں ہوں گے۔اہل ٹکٹ ہولڈرز پیر 10مارچ 2025سے جمعہ 14مارچ 2025کے درمیان منتخب TCSآئوٹ لیٹس پر اپنی رقم کی واپسی کا دعویٰ کر سکتے ہیں تاہم تاخیر سے کی گئی درخواستوں پر غور نہیں کیا جائے گا۔

(جاری ہے)

ریفنڈ کے لیے مندرجہ ذیل کی ضرورت ہوگی جس کے مطابق خریداری کے ثبوت کے طور پر ایک اصل /اور بغیر نقصان زدہ ٹکٹ پیش کریں۔

خریدار کو رقم کی واپسی کا دعویٰ کرنے کے لیے ذاتی طور پر TCSآئوٹ لیٹ جانا ہوگا۔ اس کی طرف سے کوئی اور رقم کی واپسی کا دعویٰ نہیں کرسکتا۔درج ذیل TCSآئوٹ لیٹس ہیں جہاں ٹکٹ ہولڈرز جا کر اپنی رقم کی واپسی کا دعویٰ کر سکتے ہیں ان میں فیصل آباد -ہریانوالہ ایکسپریس سینٹر، 270 -B ہریانوالہ چوک نزد شوکت فیبرکس،گوجرانوالہ میں نیو ایریا آفس ایکسپریس سینٹر، بالمقابل جامعہ عزیزیہ اور سپر ایشیا جی ٹی روڈ،حیدرآباد میں ایریا آفس ایکسپریس سینٹر، ٹویوٹا موٹرز سائٹ ایریا کے قریب آٹوبھن روڈ،اسلام آباد میں I-9ایکسپریس سینٹر، پلاٹ نمبر 394-Aپوٹھوہار روڈ نزد پولیس اسٹیشن سیکٹر I-9/3، کراچی میں ہیڈ آفس ایکسپریس سینٹر، 101-104 سی اے اے کلب روڈ نزد حج ٹرمینل - 3؛ اور اتحاد فلیگ شپ ایکسپریس سینٹر، 15-C لین 10 فیز 6، لاہور میں گلبرگ ایکسپریس سینٹر، 58/D-1 گلبرگ- III؛ اور ٹھوکر نیاز بیگ ایکسپریس سینٹر، علی ٹائون اسٹاپ، نزد ایچ بی ایل رائیونڈ روڈ،ملتان میں ایریا آفس ایکسپریس سینٹر، 985/B، ترین روڈ،راولپنڈی میں کھنہ ایکسپریس سینٹر، ٹی سی ایس ریجنل آفس، فضائیہ کالونی لنک روڈ کے قریب،پشاور میں رنگ روڈ ایریا آفس ایکسپریس سینٹر، رنگ روڈ نیلم سی این جی موٹر وے کے قریب اور کوئٹہ میں جناح روڈ ایکسپریس سینٹر، نزد ڈاکٹر بانو روڈ، مین جناح روڈ شامل ہیں۔