خیبر پختونخوا میں مطلع جزوی ابرآلود رہے گا ، محکمہ موسمیات

ہفتہ 15 مارچ 2025 19:48

پشاور(اُردو پوائنٹ اخبارتازہ ترین - این این آئی۔ 15 مارچ2025ء) خیبر پختونخوا میں مطلع جزوی ابرآلود رہے گا ،صوبے کے بیشتر اضلاع میں آئندہ 24 گھنٹوں کے دوران بارش کا امکان ہے۔

(جاری ہے)

محکمہ موسمیات کے مطابق خیبر پختونخوا میں مطلع جزوی ابرآلود رہے گا،،آئندہ چوبیس گھنٹوں کے دوران پشاور، نوشہرہ ، مردان، چارسدہ ،صوابی،چترال،دیر،سوات،باجوڑ،مالاکنڈ ، شانگلہ ، ایبٹ آباد ، مانسہرہ ، کوہستان ، تورغر ، بٹگرام،ہری پور،کوہاٹ،ہنگو،کرک، لکی مروت،بنوں ، مہمند، خیبر،اورکزئی،کرم،ڈی آئی خان،ٹانک، شمالی و جنوبی وزیرستان میں گرج چمک اور تیز ہوائوں کے ساتھ بارش اور پہاڑوں پر برف باری کا امکان ہے ،،گذشتہ روز دیر ، سوات،مانسہرہ،بنوں اور ڈی آئی خان میں بارش ہوئی،،تیمرگرہ میں 6،بالاکوٹ میں 5،بنوں اور سیدو شریف میں 3 ، دیر میں 2 ملی میٹر بارش ہوئی،،پشاور کا کم سے کم درجہ حرارت 13 ڈگری سینٹی گریڈ ریکارڈ،،شہر کا زیادہ سے زیادہ درجہ حرارت 26 ڈگری سینٹی گریڈ تک جانے کا امکان ہے ، پاراچنار میں درجہ حرارت صفر ، مالم جبہ اور کالام میں 2 ڈگری سینٹی گریڈ ریکارڈ کیا گیا۔