شوگر مافیا اور ذخیرہ اندوزوں کے خلاف ملک بھر میں سخت آپریشن

فیصل آباد لاہور اورپنجاب کے دیگر اضلاع سمیت ملک بھرمیں ایف آئی اے کے چھاپے

پیر 17 مارچ 2025 22:05

فیصل آباد (اُردو پوائنٹ اخبارتازہ ترین - آن لائن۔ 17 مارچ2025ء) وزیراعظم کی ہدایت پر شوگر مافیا اور ذخیرہ اندوزوں کے خلاف ملک بھر میں سخت آپریشن، فیصل آباد لاہور اورپنجاب کے دیگر اضلاع سمیت ملک بھرمیں ایف آئی اے نے چھاپے مارکر چینی ذخیرہ کرنے والے مافیا اور مہنگی چینی فروخت کرنے والے تاجروں کی گرفتاری شروع کر دی ،50سے زائد تا جروں کو گرفتار کر لیا، فیصل آباد چیمبر آف کا مرس کے نائب صدر بیٹے سمیت گرفتا ر ، حکومت نے شوگر ملز ایسوسی ایشن کے نمائندوں کو اسلام آباد طلب کر لیا،آن لائن کے مطابق وزیراعظم میاں شہباز شریف نے بڑھتی ہو ئی چینی کی قیمتوں پر نوٹس لیتے ہو ئے ملک بھرمیں شوگر مافیا اور ذخیرہ اندوزوں کے خلاف کاروائی شروع کر دی ، فیصل آباد چیمبر آف کا مرس کے سابق صدر و تا جر رہنمائمعروف چینی ڈیلر حاجی اسلم بھلی بیٹے سمیت 5 ڈیلرز کو گرفتار کر لیا ، گرفتار ملزمان سے چینی کی خرید و فروخت سے متعلق ریکارڈ قبضہ میں لے لیا گیا،جھنگ ٹوبہ ، سرگودھا ،لاہو ر ،ملتان سمیت پنجاب کے دیگر اضلا ع میں بھی چھا پے ما رے جا رہے ہیں اور درجنوں ڈیلرز کو گرفتار کیا گیا ہے ، معا ہدے کی خلا ف ورزی پر حکومت نے شوگر ملز ایسوسی ایشن کے نمائندوں کو اسلام آباد طلب کر لیا، وفاقی حکومت کی جانب سے چینی سٹہ مافیا اور ذخیرہ اندوزوں کے خلاف کیے گئے اقدامات کے بعد چینی کی قیمتوں میں کمی آنا شروع ہوگئی۔