خلیل الرحمٰن قمرکے ہنی ٹریپ کے ذریعہ نامزد مرکزی ملزمہ آمنہ عروج اورحسن شاہ سمیت دیگر12ملزمان کے خلاف کیس کی سماعت ملتوی

منگل 18 مارچ 2025 21:02

لاہور (اُردو پوائنٹ اخبارتازہ ترین - اے پی پی۔ 18 مارچ2025ء) لاہور انسداد دہشتگردی کی خصوصی عدالت نے معروف ڈرامہ نگار خلیل الرحمٰن قمرکے ہنی ٹریپ کے ذریعے اغوا برائے تاوان کے الزام میں درج مقدمے میں نامزد مرکزی ملزمہ آمنہ عروج اور حسن شاہ سمیت دیگر 12ملزمان کے خلاف کیس کی سماعت آج بروز بدھ تک ملتوی کردی ۔عدالت نے تفتیشی افسر کو بیان ریکارڈ کرانے کے لیے طلب کرلیا۔

انسدادِ دہشت گردی عدالت کے جج ارشد جاوید نے کیس کی سماعت کی۔ منگل کو سماعت پر آمنہ عروج حسن شاہ ،سمیت دیگر بارہ ملزمان کو جیل سے لا کر عدالت میں پیش کیا گیا ۔

(جاری ہے)

خلیل الرحمٰن قمر بطور مدعی مقدمہ عدالت میں پیش ہوئے ، دوران سماعت ملزمان کے وکلا نے مدعی سے اس کے بیانات جرح مکمل کی وقت کی کمی کے باعث تفتیشی افسر عمران یوسف کا بیان ریکارڈ نہ ہوسکا ۔

تفتیشی افیسر عمران کو آج بروز بدھ عدالت میں بیان ریکارڈ کرانے کے لیے پیش ہونے کا حکم دے دیا، مقدمہ کے دیگر گواہان کی شہادتیں ریکارڈ ہوچکی ہیں ملزمہ آمنہ عروج نے دھوکہ سے خلیل الرحمن قمر کو فلیٹ پر بلایا آمنہ عروج اور حسن شاہ سمیت دیگر ملزمان نے خلیل الرحمن قمر کو اغوا کرنے اور ایک کروڑ تاوان مانگنے کا الزام ہے، ملزمان کے خلاف تھانہ سندر پولیس نے مقدمہ درج کر رکھا ہے۔