یوم پاکستان کے موقع پر ڈسٹرکٹ ایجوکیشن اتھارٹی نے گورنمنٹ ماڈل اسکول میں تقریب کا انعقاد

اتوار 23 مارچ 2025 15:40

قصور (اُردو پوائنٹ اخبارتازہ ترین - اے پی پی۔ 23 مارچ2025ء) یوم پاکستان کے موقع پر ڈسٹرکٹ ایجوکیشن اتھارٹی نے گورنمنٹ ماڈل اسکول میں تقریب کا انعقاد کیا ، تقریب میں سپیکر پنجاب اسمبلی ملک احمد خان ، وزیر مملکت ملک رشید احمد خان ، وفاقی پارلیمانی سیکرٹری سعد وسیم شیخ سمیت اراکین اسمبلی ملک احمد سعید، صفیہ سعید، ڈپٹی کمشنر عمران علی، ڈی پی او قصور عیسیٰ خاں سکھیرا نے شرکت کی۔

سپیکر پنجاب اسمبلی ملک محمد احمد خاں نے کہا کہ یوم پاکستان وہ قرار داد تھی جس کی بنیاد پر پاکستان بنا ۔

(جاری ہے)

آئینی تقاضوں کے تحت پاکستان وہ واحد ریاست ہے جو نظریہ پر بنا ہے۔ ۔وزیر مملکت ملک رشید احمد خان نے کہا کہ منٹو پارک کی قرار کے سات سال بعد پاکستان وجود میں آیا ۔ قرارداد پاکستان پر قائد اعظم کی قیادت میں پوری قوم سیسہ پلائی دیوار بن گئی ۔ یوم تجدید عہد پر ہمیں یاد رکھنا ہوگا کہ پاکستان بنانے کے مقاصد کے لئے جدو جہد جاری رکھیں۔ پاکستان تا قیامت رہنے کے لئے بنی ہے اسکو زوال نہیں تقریب میں پرچم کشائی کی بھی کی گئی پولیس کے چاق وچوبند دستے نے سلامی دی جبکہ سپیکر پنجاب اسمبلی نے ملی نغمے والی طالبہ کو 50 ہزار نقد انعام بھی دیا۔