Live Updates

فارم 47 کی وزیراعلیٰ مریم نواز رمضان میں بھی فسطائیت سے باز نہیں آ رہیں، بیرسٹرسیف

جعلی راجکماری نے سعودی عرب سے پی ٹی آئی کارکنوں کی گرفتاری کے احکامات دیئے، مشیراطلاعات

منگل 25 مارچ 2025 14:38

فارم 47 کی وزیراعلیٰ مریم نواز رمضان میں بھی فسطائیت سے باز نہیں آ رہیں، ..

پشاور(اُردو پوائنٹ اخبارتازہ ترین - این این آئی۔ 25 مارچ2025ء)وزیراعلٰی خیبر پختونخوا کے مشیر اطلاعات بیرسٹر محمد علی سیف نے کہا ہے کہ جعلی راجکماری سعودی عرب سے پاکستان تحریک انصاف (پی ٹی آئی) کے کارکنوں کی گرفتاری کے احکامات دے رہی تھیں۔مشیراطلاعات بیرسٹر سیف نے بیان میں کہا کہ پنجاب میں یومِ پاکستان منانے پر پی ٹی آئی کارکنوں کی پکڑ دھکڑ قابلِ مذمت ہے۔

گزشتہ رات مساجد سے بھی کارکنوں کو اٹھا کر جیلوں میں ڈال دیا گیا۔ جعلی راجکماری سعودی عرب سے پی ٹی آئی کے کارکنوں کی گرفتاری کے احکامات دے رہی تھیں۔ فارم 47 کی وزیر اعلیٰ مریم نواز رمضان میں بھی فسطائیت سے باز نہیں آ رہیں۔بیرسٹر سیف نے مزید کہا کہ معصوم کارکنوں کو صرف پاکستان اورعمران خان سے محبت کی سزا دی جا رہی ہے۔

(جاری ہے)

یوم پاکستان پر پی ٹی آئی کارکنوں کی ریلیاں دیکھ کر جعلی حکومت پرخوف طاری ہے۔

یومِ پاکستان کے موقع پر عوام کے جمِ غفیر نے جعلی حکومت کے غیر مستند ہونے پر مہرِ تصدیق ثبت کر دی۔ عوام نے یومِ پاکستان کے موقع پر حقیقی آزادی کے عہد کی تجدید کی۔انہوں نے کہا کہ یومِ پاکستان پر عوامی سمندر نے جعلی حکومت کے خلاف ریفرنڈم دے دیا۔ عوام نے حقیقی آزادی اور عمران خان کی رہائی کا عہد کیا ہے۔ خیبر سے کراچی تک عوام کے جمِ غفیر نے فارم 47 مافیا کو اس کی اصل حیثیت یاد دلا دی۔ اگر جعلی حکومت میں رتی برابر بھی شرم و حیا باقی ہے تو وہ فوراً مستعفی ہو جائے۔