نیلسن منڈیلا کے پوتے نے فلسطین کے حق میں نعرے لگوا دئیے

صنعا(اُردو پوائنٹ اخبارتازہ ترین - این این آئی۔ 26 مارچ2025ء)نیلسن منڈیلا کے پوتے منڈلا منڈیلا نے یمن میں فلسطین پر کانفرنس سے ویڈیو لنک پر پرجوش خطاب کیا، دارالحکومت صنعا میں کانفرنس سے خطاب کے دوران انہوں نے فلسطین کے حق میں نعرے لگوا دیے۔غیرملکی خبررساں ادارے کے مطابق نیلسن منڈیلا کے پوتے منڈلا منڈیلا نے یمن مین فلسطین پر کانفرنس سے ویڈیو لنک پر پرجوش خطاب کیا،دارالحکومت صنعا میں کانفرنس سے خطاب کے دوران انہوں نے فلسطین کے حق میں نعرے لگوا دییانہوں وی وا فلسطین، وی وا حماس وی وا حزب اللہ یعنی فلسطین زندہ باد،حماس زندہ باد حزب اللہ زندہ باد کے نعرے لگوائے اور مجمع پرجوش انداز میں جواب دیتا رہا۔

جنوبی افریقہ میں نسل پرستی کے خلاف مزاحمت کے رہنما نیلسن منڈیلا کے پوتے منڈیلا منڈیلا نے کہا کہ صیہونیوں نے سید حسن نصر اللہ کو شہید کیا لیکن ان کے افکار دنیا بھر کے تمام آزادی پسندوں کے درمیان زندہ رہیں گے جیسا کہ جنوبی افریقہ میں ہم کہتے ہیں کہ وہ مرا نہیں بلکہ کئی گنا بڑھ گیا ہے۔

(جاری ہے)

انہوں نے مزید کہا کہ شہید سید حسن نصر اللہ صرف حزب اللہ کے سیکرٹری جنرل نہیں تھے۔

بلکہ وہ تمام عربوں، فارسیوں، گوروں، کالوں اور دنیا کے تمام مظلوموں کے رہنما تھے، وہ سامراج اور عالمی استکبار کا مقابلہ کرنے والے ایک نڈر اور تاریخی سورما تھے اور اس کرہ ارض پر ہر مزاحمت کار کے لئے نمونہ عمل بن گئے۔منڈیلا نے کہا کہ ہم اس عظیم ہیرو کو خراج تحسین پیش کرتے ہیں اور مسجد اقصی، غزہ کے عوام اور پوری فلسطینی مزاحمت کے دفاع پر حزب اللہ کی قیادت اور ارکان کا شکریہ ادا کرتے ہیں۔

جنوبی افریقہ کی اس ممتاز شخصیت نے عالمی استکباری قوتوں کے خلاف جنگ اور فلسطین کی حمایت میں ہم اپنے وعدے پر قائم ہیں کے نعرے کی اہمیت کے بارے میں کہا اس نعرے کے ذریعے ہم ان تمام لوگوں کی مکمل حمایت کا اعلان کرتے ہیں جو مقبوضہ فلسطین کی آزادی کے لیے جدوجہد کر رہے ہیں، جن میں اسلامی تحریک، حماس، انصار اللہ، اسلامی جمہوریہ ایران اور وہ تمام لوگ جو خطے میں فلسطینی جدوجہد کی حمایت کرتے ہیں۔

انہوں نے کہا کہ ہم دنیا کے جنوب میں ہر ایک سے کہتے ہیں کہ وہ فلسطینی مزاحمت کی حمایت میں جرت مندانہ موقف اختیار کرتے ہوئے سید حسن نصر اللہ کے راستے پر چلیں جو بغیر کسی خوف کے اس راستے پر ثابت قدم رہے اور مغربی سامراج پر فتح کو یقینی سمجھتے تھے۔نیلسن منڈیلا کے پوتے نے یمنی عوام قوم اور قیادت کے جرات مندانہ موقف کو سراہا جنہوں نے دشمن کی جارحیت کے باوجود فلسطین کی حمایت میں سامراج مخالف اقدامات جاری رکھے ہوئے ہیں