بلاول بھٹو زرداری عید کے دوسرے روز بھی بھٹو ہاؤس، نوڈیرو میں ملک بھر سے آنے والے افراد سے عید ملتے رہے

بدھ 2 اپریل 2025 14:20

لاڑکانہ(اُردو پوائنٹ اخبارتازہ ترین - این این آئی۔ 02 اپریل2025ء)چیئرمین پی پی پی بلاول بھٹو زرداری عید کے دوسرے روز بھی بھٹو ہاؤس، نوڈیرو میں ملک بھر سے آنے والے افراد سے عید ملتے رہے۔تفصیلات کے مطابق چیئرمین پیپلز پارٹی بلاول بھٹو زرداری کے ہمراہ بی بی آصفہ بھٹو زرداری اور پی پی پی شعبہ خواتین کی مرکزی صدر فریال تالپور بھی بھٹو ہاؤس، نوڈیرو میں عید کیلئے آنے والے شہریوں سے ملاقات کرتے رہے۔

(جاری ہے)

بلاول بھٹو زرداری سے عید کے دوسرے دن ملک بھر سے آنے والے کارکنان اور شہریوں نے بھٹو ہاؤس، نوڈیرو میں ملاقاتیں کیں۔بلاول بھٹو زرداری سے ملاقات کیلئے بھٹو ہاؤس، نوڈیرو میں سینکڑوں افراد کا تانتا بندھ گیا۔بلاول بھٹو زرداری نے عید کے دوسرے دن اپنے حلقہ انتخاب کے ووٹرز اور علاوہ تنظیمی عہدیداران اور کارکنان سے بھی ملاقاتیں کیں۔بلاول بھٹو زرداری نے عید کے دوسرے دن صحافیوں سمیت مختلف شعبہ جات سے تعلق رکھنے والے افراد نے ملاقات کی۔بلاول بھٹو زرداری نے عوام اور کارکنان کی مختلف مسائل سے متعلق تجاویز کو سنا اور فوری حل کے لئے ہدایات جاری کیں۔