وزیراعظم کا بجلی سستی کرنے کا اقدام معیشت کیلئے ٹھنڈی ہوا کا جھونکا ہے، بزنس کمیونٹی

بجلی قیمتوں میں کمی سے پیداواری لاگت میں کمی اور برآمدات میں اضافہ ہوگا، بیان

جمعہ 4 اپریل 2025 17:14

اسلام آباد (اُردو پوائنٹ اخبارتازہ ترین - این این آئی۔ 04 اپریل2025ء)ملک بھر کی بزنس کمیونٹی نے وزیراعظم کی جانب سے بجلی سستی کرنے کے اقدام کو معیشت کے لیے ٹھنڈی ہوا کا جھونکا قرار دے دیا۔جاری بیان میں بزنس کمیونٹی نے وزیراعظم کی طرف سے بجلی کی قیمتوں میں کمی کا خیر مقدم کرتے ہوئے کہا کہ صنعت پر بجلی کے نرخوں میں کمی سے مثبت اثرات مرتب ہوں گے۔

(جاری ہے)

انہوں نے کہا کہ بجلی کی قیمتوں میں کمی سے معاشی سرگرمیوں میں اضافہ ہوگا جبکہ پیداواری لاگت میں کمی اور برآمدات میں اضافہ ہوگا، معاشی سرگرمیوں میں اضافے سے روزگار کے مواقع پیدا ہوں گے۔تاجر برادری نے کہاکہ توانائی کے شعبے میں اصلاحات اور قیمتوں میں کمی بہت مقدم ہے، امید ہے کہ حکومتی اقدامات سے بجلی مزید سستی ہوگی۔ صنعتوں کے لیے بجلی کی قیمت میں کمی کا نتیجہ برآمدات میں اضافے کی صورت میں سامنے آئے گا۔بزنس کمیونٹی نے کہا کہ بجلی کی قیمتوں میں کمی ہماری توقع سے زیادہ کی گئی، بجلی کی قیمتوں میں نمایاں کمی پر وزیراعظم اور انکی ٹیم مبارکباد کی مستحق ہے۔