بھارتی حکومت کی جانب سے کشمیری عوام کو غلام بنانے کی سازشوں کو کبھی کامیاب نہیں ہونے دیا جائے گا،سمعیہ ساجد

مظفرآباد(اُردو پوائنٹ اخبارتازہ ترین - این این آئی۔ 06 اپریل2025ء) مرکزی چیئرپرسن مسلم کانفرنس خواتین ونگ اور چیئرپرسن کشمیر ویمن الرٹ فورم (کواف) سمعیہ ساجد نے بھارتی وزیر داخلہ امیت شاہ کے مقبوضہ کشمیر کے حالیہ دورے کے خلاف سخت الفاظ میں مذمت کرتے ہوئے کہا ہے کہ کشمیر میں بھارتی حکومت کی دہشت گردی، فوجی جبر، گرفتاریوں اور گولیوں کے ذریعے کشمیری عوام کو غلام بنانے کی سازشوں کو کبھی کامیاب نہیں ہونے دیا جائے گا۔

سمعیہ ساجد نے بھارتی حکومتی اقدامات کو انسانیت کے خلاف قرار دیتے ہوئے کہا کہ بی جے پی کی حکومت نے کشمیری عوام سے نہ صرف ان کی ریاست، شناخت، شہری حقوق اور سیاسی آزادی چھینے ہیں بلکہ ان کے بنیادی حقوق کو بھی پامال کیا ہے۔ ان کا کہنا تھا کہ بھارت کے حکمران کشمیری عوام کو طاقت کے زور پر دبانے کی کوششوں میں ناکام ہوچکے ہیں اور کشمیری عوام ان کی سامراجی پالیسیوں کا ڈٹ کر مقابلہ کر رہے ہیں۔

(جاری ہے)

سمعیہ ساجد کہا کہ کشمیر میں بھارتی فوج اور حکومتی مشینری کے سامنے کشمیری عوام کی جرات مندانہ مزاحمت تاریخ کا سنہری باب بن چکی ہے۔ بھارت کی جانب سے کشمیری عوام پر مسلط کردہ فوجی قبضے اور بدترین ظلم و ستم کے باوجود کشمیریوں نے اپنے حقوق کے لیے جدوجہد جاری رکھی ہے۔انہوں نے مزید کہا کہ 5 اگست 2019 کو بھارت نے جموں و کشمیر کی خصوصی حیثیت کو آئین کے آرٹیکل 370 اور 35A کے تحت ختم کرنے کے بعد کشمیری عوام کی سرزمین اور شناخت کو غصب کیا ہے۔

اس دن کے بعد سے کشمیری عوام کا عزم مزید مضبوط ہوا ہے اور وہ بھارت کی سامراجی پالیسیوں کے خلاف اپنی جدوجہد جاری رکھے ہوئے ہیں۔ساجد نے بھارت کے وزیر داخلہ امیت شاہ کے مقبوضہ کشمیر کے دورے کو ایک اور دھچکا قرار دیتے ہوئے کہا کہ بھارت کی فوجی جبر اور ظلم و ستم کے باوجود کشمیری عوام کی آواز دبانے کی کوئی بھی کوشش کامیاب نہیں ہو گی۔ بھارتی حکومت کے اقدامات سے نہ صرف کشمیری عوام کے حقوق کی پامالی ہوئی ہے بلکہ عالمی برادری میں بھارت کی بدنامی بھی بڑھ رہی ہے۔

انہوں نے کہا کہ بھارت کی حکومت کشمیریوں کو دبانے کے لئے بدترین اقدامات کر رہی ہے جن میں گرفتاریوں، تشدد، اور مسلسل مظالم شامل ہیں، مگر کشمیری عوام نے ہمیشہ ان کا مقابلہ کیا ہے اور کرتے رہیں گے۔ بھارت 1کشمیریوں کی آزادی کی تحریک کو ہر گز نہیں دبا سکتا، اور نہ ہی وہ ان کے حق خود ارادیت کو چھین سکتا ہے۔سمعیہ ساجد نے اس موقع پر عالمی برادری سے بھی اپیل کی کہ وہ کشمیر کے مسئلے کو عالمی سطح پر اہمیت دے اور بھارت کو اس کے ظلم و جبر کے لیے جوابدہ ٹھہرائے۔

انہوں نے کہا کہ دنیا کو یہ تسلیم کرنا ہوگا کہ کشمیری عوام کو بھارتی قابض افواج کے رحم و کرم پر نہیں چھوڑا جا سکتا۔ عالمی ادارے، خصوصاً اقوام متحدہ کو چاہیے کہ وہ بھارت کے غاصبانہ اقدامات کے خلاف فوری طور پر اقدام کریں اور کشمیریوں کے حقوق کی حفاظت کے لیے آواز اٹھائیں۔انہوں نے کہا کہ کشمیری عوام نہ صرف اپنے ملک کی آزادی کے لیے لڑ رہے ہیں بلکہ وہ ایک جرات مندانہ پیغام بھی دے رہے ہیں کہ بھارت کے سامراجی عزائم کو کبھی کامیابی نہیں ملے گی۔

بھارت کو اپنی غاصبانہ پالیسیوں سے دستبردار ہونا پڑے گا اور کشمیری عوام کو ان کا حق آزادی ملنا چاہیے۔سمعیہ ساجد نے مقبوضہ کشمیر میں بھارتی فوج کی جانب سے انسانی حقوق کی سنگین خلاف ورزیوں کو بے نقاب کیا اور کہا کہ بھارتی حکام کشمیریوں کو اپنے حقوق کا مطالبہ کرنے پر تشدد کا نشانہ بنا رہے ہیں۔ انہوں نے کہا کہ کشمیر میں بھارتی فوج کی جانب سے لاکھوں بے گناہ کشمیریوں کی گرفتاری، تشویشناک حالات میں ان کا حراست میں رکھا جانا، اور انہیں غیر قانونی طور پر جیلوں میں بند کیا جانا ایک بدترین انسانی حقوق کی خلاف ورزی ہے۔

ان کا کہنا تھا کہ کشمیری عوام کی آواز دبانے کی بھارتی کوششوں کی عالمی سطح پر مذمت کی جانی چاہیے۔سمعیہ ساجد نے پاکستان کی حکومت اور عوام کی جانب سے کشمیریوں کی مسلسل حمایت پر شکریہ ادا کیا۔ انہوں نے کہا کہ پاکستان نے ہمیشہ کشمیری عوام کے حق خود ارادیت کے لیے عالمی فورمز پر آواز اٹھائی ہے اور کشمیری عوام کی آزادی کی تحریک میں بھرپور حمایت فراہم کی ہے۔

ان کا کہنا تھا کہ پاکستان نے کبھی بھی کشمیری عوام کو تنہا محسوس نہیں ہونے دیا اور ان کی جدوجہد کو عالمی سطح پر اجاگر کرنے میں کوئی کسر نہیں چھوڑی۔سمعیہ ساجد نے کہا کہ کشمیری عوام کی آزادی کی جدوجہد ایک تاریخ رقم کر چکی ہے۔ انہوں نے کہا کہ بھارتی وزیر داخلہ امیت شاہ اور دیگر حکام کے لیے کشمیر میں آنے کا مطلب صرف یہ ہے کہ کشمیری عوام کا عزم اور طاقت پہلے سے کہیں زیادہ مضبوط ہو چکا ہے۔

وہ بھارت کی سامراجی پالیسیوں کے خلاف نہ صرف اپنی آواز بلند کر رہے ہیں بلکہ عملی طور پر ان کا مقابلہ بھی کر رہے ہیں۔سمعیہ ساجد نے کہا کہ بھارت کو یہ سمجھنا ہوگا کہ کشمیری عوام کا حق آزادی ایک ناقابلِ تسخیر حق ہے اور وہ اس حق کے لیے اپنی جانوں کی قربانیاں دینے کے لیے تیار ہیں۔ ان کا کہنا تھا کہ کشمیری عوام کی تحریک آزادی ہر گز کمزور نہیں ہو گی بلکہ یہ دنیا کے سامنے بھارت کے ظلم کا مقابلہ کرنے کی ایک جرات مندانہ مثال بنے گی۔

سمعیہ ساجد نے کہا کہ کشمیری عوام کا عزم اور حوصلہ کبھی بھی بھارت کے جبر کے سامنے جھکنے والا نہیں ہے۔ کشمیری عوام کے حق خود ارادیت کے لیے ان کی جدوجہد ایک دن کامیاب ہوگی اور وہ آزادی کی منزل تک پہنچیں گے۔ ان کا کہنا تھا کہ بھارت کے سامراجی عزائم کبھی بھی کامیاب نہیں ہو سکتے، اور کشمیری عوام اپنے حقوق کے لیے لڑتے رہیں گے۔ انہوں نے کہا کہ عالمی برادری کو کشمیر کے مسئلے کو سنجیدگی سے حل کرنا ہوگا، اور کشمیری عوام کے حقوق کا تحفظ یقینی بنانا ہوگا۔ کشمیر کی آزادی کا دن جلد آئے گااور پاکستان کے ساتھ الحاق کر کے شامل ہوگا۔