مبینہ جعلی بھرتیوں کے کیس میں پرویز الٰہی ،شریک ملزمان پرفرد جرم عائد نہ ہو سکی

کمر میں تکلیف کے باعث پرویز الٰہی کی جانب سے حاضری معافی کی درخواست دائر کی گئی

بدھ 9 اپریل 2025 16:55

مبینہ جعلی بھرتیوں کے کیس میں پرویز الٰہی ،شریک ملزمان پرفرد جرم عائد ..

لاہور(اُردو پوائنٹ اخبارتازہ ترین - این این آئی۔ 09 اپریل2025ء)پنجاب اسمبلی میں مبینہ جعلی بھرتیوں کے کیس میں سابق وزیر اعلیٰ پنجاب چودھری پرویز الٰہی اورشریک ملزمان پرایک بار پھر فرد جرم عائد نہ ہو سکی ۔اینٹی کرپشن عدالت کے ڈیوٹی جج نے سماعت کی۔

(جاری ہے)

سابق وزیر اعلی پنجاب کی جانب سے حاضری معافی کی درخواست دائر کردی گئی جس میں موقف اپنایا گیا کہ پرویز الٰہی کی کمر میں تکلیف ہے جس کے باعث عدالت پیش نہیں ہو سکتے، استدعا ہے عدالت ایک روزہ حاضری معافی کی درخواست منظور کرے۔مقدمے میں نامزد دیگر ملزمان نے عدالت میں پیش ہو کر حاضری مکمل کروائی۔عدالت نے کیس کی سماعت 30 اپریل تک ملتوی کردی ۔