خیبر پختونخوا میں موسم جزوی ابرآلود رہے گا، محکمہ موسمیات

بدھ 9 اپریل 2025 22:52

پشاور(اُردو پوائنٹ اخبارتازہ ترین - این این آئی۔ 09 اپریل2025ء)خیبر پختونخوا میں موسم جزوی ابرآلود رہے گا، صوبے کے جنوبی اضلاع میں دن کے اوقات میں گرمی رہے گی۔

(جاری ہے)

محکمہ موسمیات کے مطابق خیبر پختونخوا میں موسم جزوی ابرآلود رہے گا ،جنوبی اضلاع میں دن کے اوقات میں موسم گرم رہنے کا امکان ہے ، آئندہ چوبیس گھنٹوں کے دوران پشاور،نوشہرہ،مردان ،چارسدہ، صوابی،چترال،دیر،سوات،شانگلہ،بونیر،مالاکنڈ،ایبٹ آباد، مانسہرہ،ہری پور، بٹگرام ،کوہستانتورغر،کرم،خیبر،اورکزئی، مہمند،کوہاٹ،ہنگو،کرک،بنوں،لکی مروت،ڈی آئی خان، ٹانک،شمالی وجنوبی وزیرستان میں گرج چمک اور تیز ہوائوں کے ساتھ بارش کا امکان ہے ،، گذشتہ روز کوہستان اور چترال میں چند ایک مقامات پر بارش ہوئی ،،دروش میں 4 ، پٹن میں 9 ملی میٹر بارش ہوئی ،،پشاور کا کم سے کم درجہ حرارت 20 ڈگری سینٹی گریڈ ریکارڈ ہوا ،، شہر کا زیادہ سے زیادہ درجہ حرارت 36 ڈگری سینٹی گریڈ تک جانے کا امکان،،کالام اور چترال میں درجہ حرارت 10 ڈگری سینٹی گریڈ ریکارڈ ہوا۔