Live Updates

ٹیسٹ کرکٹ میں انگلینڈ کے سب سے کامیاب بیٹر اور سابق کپتان ایلسٹر کک پہلی بار پی ایس ایل کمنٹری پینل کا حصہ ہوں گے

جمعرات 10 اپریل 2025 12:25

راولپنڈی (اُردو پوائنٹ اخبارتازہ ترین - اے پی پی۔ 10 اپریل2025ء) ٹیسٹ کرکٹ میں انگلینڈ کے سب سے کامیاب بیٹر اور سابق کپتان ایلسٹر کک پہلی بار پی ایس ایل کمنٹری پینل کا حصہ ہوں گے۔ پی سی بی کے مطابق کمنٹری پینل میں ایلسٹر کک کے علاوہ انگلینڈ کے مارک نکولس، ڈومینک کارک، جنوبی افریقہ کے جے پی ڈومینی، آسٹریلیا کے مائیک ہیزمین، نیوزی لینڈ کے مارٹن گپٹل اور بنگلہ دیش کے اطہر علی خان بھی کمنٹری کریں گے۔

دو بار کی ویمنز ورلڈ کپ فاتح آسٹریلوی خاتون کرکٹر لیزا اسٹالیکر بھی پہلی بار پی ایس ایل میں کمنٹری کریں گی۔

(جاری ہے)

پاکستان کے چار سابق کپتان رمیز راجہ، وسیم اکرم، وقار یونس اور عامر سہیل کے علاوہ بازید خان عروج ممتاز اور کرکٹ اینالسٹ سکندر بخت بھی کمنٹری پینل میں شامل ہیں۔ وسیم اکرم بھی پہلی بار پی ایس ایل کمنٹری کریں گے۔ اردو کمنٹری پینل میں طارق سعید، علی یونس، عقیل ثمر، مرینہ اقبال اور سلمان بٹ شامل ہیں جبکہ آسٹریلیا کی ایرن ہالینڈ اور پاکستان کی زینب عباس میچوں کے دوران پریزینٹرز ہوں گی۔ چیف ایگزیکٹیو آفیسر پی ایس ایل سلمان نصیر کا کہنا ہے کہ کرکٹ کی دنیا کے بڑے ناموں کی کمنٹیٹرز کے طور پر موجودگی سے کوریج کا بہترین معیار نظر آئے گا۔\932