پی ایس ایل کرکٹ ٹیمز کی آمد ورفت کے لئے مکمل روٹ پلان تشکیل دے دیا،چیف ٹریفک آفیسر اسلام آباد

اسلام آباد (اُردو پوائنٹ اخبارتازہ ترین - اے پی پی۔ 10 اپریل2025ء) چیف ٹریفک آفیسر اسلام آباد کیپٹن (ر) سید ذیشان حیدر نے کہا ہے کہ پی ایس ایل کرکٹ ٹیمز کی آمد ورفت کے لئے مکمل روٹ پلان تشکیل دے دیا۔ٹریفک پلان کے مطابق پاکستان سپر لیگ (پی ایس ایل) کے دوران ٹریفک کو رواں دواں رکھنے کے لئے 300 سے زائد افسران و جوان فرائض انجام دیں گے۔پولیس ترجمان کے مطابق پی ایس ایل کرکٹ ٹیمز کی آمد و رفت کے باعث مختلف اوقات میں ایکسپریس ہائی وے، فیض آباد، کلب روڈ ، مری روڈ، فیصل ایونیو اور 9th ایونیو سرینگر ہائی وے پر غیر معمولی سکیورٹی انتظامات کیے گئے ہیں۔

روٹ کے باعث ایکسپریس ہائی وے اور سرینگر ہائی وے پر ٹریفک کی روانی میں کچھ دیر کا تعطل آئے گا، ٹریفک سست روی کا شکار ہو گی،بلیو ایریا کی جانب سفر کے لیے ایچ ایٹ انڈر پاس کا استعمال کیا جائے۔

(جاری ہے)

سیکٹر آئی اور ایچ کے لئے راولپنڈی پشاور روڈ آئی جی پی سے سروس روڈ کا استعمال کرے۔ مری روڈ سے سرینہ اور فیض آباد براستہ راول ڈیم دوران آمد و رفت بند رہے گی۔

شہری سرینگر ہائی وے سے منسلک سروس روڈ کا استعمال کریں۔ریڈ زون اور سرینہ ہوٹل آنے اور جانے والی ٹریفک مارگلہ روڈ، ایکسپریس چوک، جناح ایونیو، بری امام اور نادرا چوک کا استعمال کرے۔ اسلام آباد چوک سے جی الیون، سروس روڈ، جناح ایونیو اور مارگلہ روڈ استعمال کرے۔سیکٹر آئی اور ایچ کے لئے راولپنڈی پشاور روڈ آئی جی پی سے سروس روڈ کا استعمال کرے۔

ٹیمز کی آمد و رفت کے دوران ہیوی ٹریفک کا داخلہ اسلام آباد میں ممنوع ہے۔مری روڈ سے سرینہ اور فیض آباد براستہ راول ڈیم دوران آمد و رفت بند رہے گی۔شہری ریڈ زون سے فیض آباد جانے کے لئے براستہ کنونشن سینٹر، کلب روڈ کا استعمال کریں۔شہریوں کی رہنمائی کے لیے اسلام آباد ٹریفک پولیس مختلف مقامات پر موجود رہے گی۔ٹیمز کی آمد و رفت کے دوران ہیوی ٹریفک کا داخلہ اسلام آباد میں ممنوع ہے۔

کسی بھی سفری دشواری سے بچنے کے شہری 20 منٹ کا دورانیہ رکھ کر گھر سے نکلیں۔شہری بہارہ کہو سے کوڑیانوالہ چوک سے سرینگر ہائی وے استعمال کا استعمال کریں۔پارک روڈ سے اسلام آباد داخل ہونے کے لئے راول چوک سے فیض آباد سے زیرو پوائنٹ روڈ استعمال کریں۔مری روڈ، ایکسپریس وے یا آئی جے پی روڈ سے اسلام آباد آنے والے فیض آباد اور زیرو پوائنٹ کا استعمال کریں۔

بری امام کی طرف سفر کرنے والے شہری نادرا چوک استعمال کریں۔شہریوں کو باخبر رکھنے وقتا فوقتاً اسلام آباد ٹریفک پولیس کے سوشل میڈیا پر ٹریفک ایڈوائزری جاری کی جائیں گی تاکہ شہری بروقت آگاہ رہیں، شہری دوران آمد ورفت سرینہ اور فیض آباد کی اطراف شاہراہوں پر آنے سے گریز کریں۔ اسلام آباد پولیس اور آئی ٹی پی کے سوشل میڈیا پلیٹ فارمز فالو کریں۔ سفر کے دوران کسی بھی پریشانی اور رہنمائی کے لیے ٹریفک ہیلپ لائن 1915 پر رابطہ کریں،ایف ایم 92.4 کو سنتے رہیں تاکہ ہر گھنٹے آپ کو تازہ ترین ٹریفک اپ ڈیٹس فراہم کی جا سکیں۔اسلام آباد ٹریفک پولیس کے ساتھ تعاون کریں تاکہ ہم آپ کو ہر ممکن سہولیات فراہم کر سکیں۔