چنیوٹ،منشیات برآمدگی کیس کا فیصلہ ایڈیشنل سیشن جج امتیاز ندیم نے تھانہ سٹی کے منشیات کے مقدمہ کا فیصلہ سنا دیا

جمعہ 11 اپریل 2025 15:59

چنیوٹ (اُردو پوائنٹ اخبارتازہ ترین - اے پی پی۔ 11 اپریل2025ء) منشیات برآمدگی کیس کا فیصلہ ایڈیشنل سیشن جج امتیاز ندیم نے تھانہ سٹی کے منشیات کے مقدمہ کا فیصلہ سنا دیا۔ عدالت نے جرم ثابت ہونے پر منشیات فروش ظہور احمد کو 9 سال قید اور 80 ہزار جرمانہ کی سزا سنادی۔ اے ایس آئی نصراللہ خان نے تھانہ سٹی کے علاقہ سے منشیات فروش ظہور کو 1250 گرام چرس برآمد ہونے پر گرفتار کیا تھا۔

(جاری ہے)

منشیات فروش کیخلاف تھانہ سٹی میں منشیات کی دفعات کے تحت مقدمہ درج ہوا تھا۔ ڈی پی او عبداللہ احمد کا کہنا ہے کہ معیاری تفتیش کیساتھ ثبوتوں کو بہترین انداز میں عدالت کے سامنے پیش کرکے منشیات فروشوں کو سزائیں دلوائی جا رہی ہیں۔ انسداد منشیات کیلئے ضلع بھر میں پولیس آگاہی مہم سمیت بڑے پیمانے پر کریک ڈاؤن جاری ہے اپنے جوانوں کے مستقبل کو محفوظ بنانے کیلئے عملی اقدامات کرتے ہوئے منشیات کا خاتمہ کیا جائے گا۔\378