جھنگ میں زمیندار کے تشدد سے 10 سالہ ملازمہ جاں بحق، لاش نہر میں پھینک دی

ملزم نے گھر میں گندگی کرنے پر ملازمہ لڑکی کو ڈنڈوں سے تشدد کا نشانہ بنایا، ملزم کے تشدد کے باعث لڑکی دم توڑ گئی تھی،پولیس

جمعہ 11 اپریل 2025 23:11

جھنگ میں زمیندار کے تشدد سے 10 سالہ ملازمہ جاں بحق، لاش نہر میں پھینک ..

جھنگ (اُردو پوائنٹ اخبارتازہ ترین - این این آئی۔ 11 اپریل2025ء)جھنگ میں زمیندار نے 10 سالہ گھریلو کو ڈنڈوں سے بہیمانہ تشدد کا نشانہ بنایا جس سے وہ دم توڑ گئی اور ملزم نے بعد ازاں بچی کی لاش نہر میں پھینک دی۔

(جاری ہے)

پولیس کے مطابق تھانہ وریام میں 14 مارچ کو گھریلو ملازمہ کے اغوا کا مقدمہ درج ہوا تھا، 9 اپریل کو تفتیش کے لیے مقامی زمیندار کو حراست میں لیا گیا تھا، گرفتار ملزم نے دوران تفتیش گھرمیں کام کرنے والی 10 سال کی لڑکی کو قتل کرنے کا اعتراف کیا۔

پولیس نے بتایا کہ ملزم نے اعتراف کیا کہ لڑکی کو قتل کرکے لاش نہر میں پھینک دی تھی، ملزم نے گھر میں گندگی کرنے پر ملازمہ لڑکی کو ڈنڈوں سے تشدد کا نشانہ بنایا، ملزم کے تشدد کے باعث لڑکی دم توڑ گئی تھی۔پولیس کے مطابق ملزم کی والدہ اور بھائی کو بھی حراست میں لیا گیا ہے جبکہ نہر سے لڑکی کی لاش برآمد کرنے کے لیے تلاش جاری ہے۔