فیصل آباد،تھانہ نشاط آباد کے علاقہ ایم فور موٹروے پر تیز رفتار ٹرک موٹروے پولیس کی گاڑی پر چڑھ گیا

بدھ 16 اپریل 2025 18:54

فیصل آباد (اُردو پوائنٹ اخبارتازہ ترین - آن لائن۔ 16 اپریل2025ء)تھانہ نشاط آباد کے علاقہ ایم فور موٹروے پر تیز رفتار ٹرک موٹروے پولیس کی گاڑی پر چڑھ گیا، کار سوار موٹروے انسپکٹر منصور اصغر موقع پر شہید ہو گیا، پولیس نے نعش کو پوسٹ مارٹم کیلئے ہسپتال منتقل کر کے حادثے کے مرتکب ڈرائیور کو گرفتار کر کے بازپرس شروع کر دی۔

(جاری ہے)

آن لا ئن کے مطابق موٹروے پولیس کا انسپکٹر منصور اصغر ایم فور پر ڈیوٹی سرانجام دے رہا تھا کہ اچانک عقب سے آنیوالا تیز رفتار ٹرک سڑک کنارے کھڑی موٹروے پولیس کی گاڑی پر چڑھ گیا، گاڑی میں سوار انسپکٹر منصور اصغر بری طرح زخمی ہو گیا، حادثہ کی اطلاع ملتے ہی سیکٹر کمانڈر ایم فور‘ متعلقہ ڈی ایس پی اور موٹروے پولیس موقع پر پہنچ گئی۔

مضروب انسپکٹر کو ہسپتال لے جانا چاہا لیکن وہ زخموں کی تاب نہ لاتے ہوئے دم توڑ گیا، پولیس نے نعش کو پوسٹ مارٹم کیلئے ہسپتال منتقل کر کے حادثے کے مرتکب ڈرائیور کو گرفتار کر کے تفتیش شروع کر دی ہے۔ ٹریفک حادثہ میں شہید ہونیوالے انسپکٹر منصور اصغر کے اہل خانہ سے تعزیت کیلئے ڈی آئی جی موٹروے ڈار علی خان خٹک کی فیصل آباد آمد متوقع ہے جہاں وہ نمازجنازہ میں شرکت کرینگے۔