ڈسٹرکٹ الیکشن کمشنر آفیس شہید بینظیرآباد کا ووٹ کی رجسٹریشن کے حوالے سے سیمینار کا انعقاد

جمعرات 17 اپریل 2025 17:00

حیدرآباد (اُردو پوائنٹ اخبارتازہ ترین - اے پی پی۔ 17 اپریل2025ء) ڈسٹرکٹ الیکشن کمشنر آفیس شہید بینظیرآباد کی جانب سے ووٹ کی رجسٹریشن کے حوالے سے گورنمنٹ اسپیشل ایجوکیشن اینڈ ری ہیبلی ٹیشن کمپلیکس نواب شاہ میں آگاھی سیمینار منعقد کیا گیا۔

(جاری ہے)

سیمینار سے خطاب کرتے ہوئے ڈسٹرکٹ الیکشن کمشنر شہید بینظیرآباد محمد یوسف مجیدانو، ریجنل ڈائریکٹر اسپیشل ایجوکیشن غلام مرتضیٰ چنڑ، ڈپٹی ڈائریکٹر عدنان مھر، پرنسپل مراد علی جمالی اور دیگر نے کہا کہ خصوصی بچے ہمارے معاشرے کا حصہ ہیں جن کی تعلیم و تربیت پر خصوصی توجہ دینے سے انکو معاشرے کا کارآمد شہری بنایا جاسکتا ہے۔

انہوں نے مزید کہا کہ الیکشن کمیشن آف پاکستان کی خصوصی ہدایت پر خصوصی افراد کے ووٹ کی رجسٹریشن کے حوالے سے آگاہی سیمینارز کا انعقاد کیا جارہا ہے، آج کا سیمینار بھی اس سلسلے کی ایک کڑی ہے جس کا مقصد خصوصی طلباء و طالبات کو ووٹ کی رجسٹریشن کے حوالے سے آگاہی فراہم کرنا ہے۔ اس موقع پر سیمینار میں ریجنل ڈائریکٹر اسٹیوٹا لعل بخش چانڈیو، اسسٹنٹ ڈائریکٹر سوشل ویلفیئر فوزیہ مستوئی، آصف علی، مسرور میمن، علی رضا اور اسپیشل ایجوکیشن سنٹر کے اساتذہ اور اسپیشل بچوں نے شرکت کی۔