شالا وسدا روے پنجاب،صوبہ کی تاریخ میں پہلی مرتبہ پنجاب دیہاڑ کی تین روزہ رنگا رنگ تقریبات کا الحمرا میں آغاز

لاہور (اُردو پوائنٹ اخبارتازہ ترین - اے پی پی۔ 17 اپریل2025ء) شالا وسدا روے پنجاب،صوبہ کی تاریخ میں پہلی مرتبہ پنجاب دیہاڑ کی تین روزہ رنگا رنگ تقریبات کا الحمرا میں آغاز ہوگیا۔وزیراعلی مریم نوازنے محکمہ اطلاعات و ثقافت کے زیر اہتمام پنجاب دیہاڑ کی تقریب میں خصوصی طور پر شرکت کی۔وزیراعلی مریم نواز کے الحمرا آرٹس کونسل پہنچنے پر روایتی انداز میں پرتپاک استقبال کیاگیا۔

الحمرا آرٹس کونسل کے احاطے میں ڈھول کی دھمک،رنگیلے گھوڑے،اونٹوں کا مست رقص اور فوک موسیقی بھی پیش کی گئی۔وزیراعلی مریم نواز نے استاد اللہ بخش گیلری میں پنجاب کے حسین نظاروں پر مشتمل آرٹ نمائش کا افتتاح بھی کیا۔ذوالفقار زلفی کی بنائی پینٹنگ میں لاہور کی ثقافت کی شاندار عکاسی کی گئی۔

(جاری ہے)

وزیراعلی مریم نواز نے پینٹنگ کو سراہا۔وزیر اطلاعات وثقافت عظمی زاہد بخاری نے خطاب میں تفصیلی بریفنگ دی اور وزیراعلی مریم نواز کی آمد کا خیر مقدم کیاگیا۔

وزیر اعلی مریم نوا نے برنی گارڈن میں انوکھے اور منفرد پنڈ کا تفصیلی دورہ کیا۔وزیراعلی مریم نواز نے چوڑیوں،کھگو گھوڑے،کھسے،بلاک پرنٹ،مکیش اور گوٹا کناری ملبوسات میں گہری دلچسپی کا اظہار کیا۔دستکاری،پنجابی پگڑی،شملے،گنڈاسا،کھنڈا،ہڑپہ اور ٹیکسلا آرٹ نمونوں کے سٹال کا معائنہ کیا۔وزیراعلی مریم نواز نے گندھارا آرٹ مجسمے، ایمبرائیڈری آرٹ،سولر پینٹنگ پینسل مائیکرو آرٹ اور چاول کے دانے پر خطاطی دیکھی۔

کھجور کے رنگ برنگ پتوں سے بنی چھابی،پچھی،چنگیر،پلیٹ،پکھے کی بناوٹ کا مشاہدہ کیا۔وزیراعلی مریم نواز نے چاک پر مٹی کی برتن، کھڈی پر کپڑے کی بنت،اونٹ کی کھال کی لیمپ دیکھے اور پسند کئے۔وزیراعلی مریم نواز نے روایتی پنجابی مونڈھے،منجیاں،لکڑی کے چولہے،چوبارہ اور دیگر اشیا میں اظہارِ دلچسپی لی۔وزیراعلی مریم نواز نے دستکاری سٹال پر ننھی وردا اور دیگر فنکاروں کی خواہش پر تصاویر بنوائیں۔

وزیراعلی مریم نواز شریف نے روایتی دیہاتی ماحول دیکھ کر اظہار مسرت،منفرد آئیڈیاکو سراہا۔وزیراعلی مریم نواز نے پنڈ میں چھپر چھت والے روایتی گھروں،فرنیچر،مٹی کے برتن اور دیگر روز مرہ استعمال کی روایتی اشیا دیکھ کر اظہار مسرت کیا۔وزیراعلی مریم نواز پنجاب ثقافت دیہاڑ کی تقریب میں حامد رانا،سہیل اصغر، راشد محمود،عارف لوہار،ریشم اور دیگر سینئرفنکاروں کے درمیان بیٹھ گئیں۔

تقریب میں انسٹرومنٹل ٹیون پر قومی ترانے پیش کیا۔غیر ملکی سفارتکاروں،صوبائی وزرا، معاونین،افسران اور دیگر شرکا نے پگڑیاں پہن کر شرکت کی۔تقریب میں پیلے اور سرخ پنجابی لاچے کرتے میں ملبوس ڈھولچیوں نے فن کا مظاہرہ کیا۔رنگا رنگ روایتی ملبوسات پہنے فنکاروں نے گیدا پیش کیا اور روایتی جوش وخروش سے للکارے۔پنجاب ثقافت دیہاڑ کی تقریب میں روایتی بھنگڑا،ماہیے اور ٹپے بھی پیش کئے گے۔

معروف گلوکار ہ حنا نصراللہ نے منفرد انداز میں پنجابی صوفی کلام پیش کیا،دیگر فنکاروں کی پرفارمنس دیکھی۔صوبائی وزیر ثقافت و اطلاعات عظمی زاہد بخاری نے پنجاب دیہاڑ کی تقریب سے خطاب کرتے ہوئے کہا کہ75 سال کی تاریخ میں پہلی مرتبہ بڑے پیمانے پر پنجاب دیہاڑ منایا جا رہا ہے۔پنجاب کی ثقافت اتنی وسیع و عریض ہے کہ اسے لفظوں اور سٹالز میں سے شو کیس کرنا ممکن نہیں۔

پنجاب دیہاڑ کی تقریب میں ہر ڈویژن کا روایتی ثقافتی سٹال لگایا گیا ہے۔انہوں نے کہا کہ پنجاب کا کلچر اب یتیم نہیں رہا،مریم نواز نے کلچر کو اصل روح سے بحال کیا۔وزیر اعلی مریم نواز فنکاروں کی سرپرستی کر رہی ہیں۔ترکیہ وزٹ پر وزیر اعلی مریم نواز عالمی توجہ کا مرکز بنی رہی۔پنجاب کا ہر شہر اپنی منفرد پہچان رکھتا ہے۔محمد نواز شریف اور مریم نواز شریف فنکاروں سے ڈائریکٹ رابطے میں رہتے ہیں۔فنکاروں کے لئے پیکچ اور مراعات لائیں گے۔تقریب میں دیگر فنکاروں نے بھی شرکت کی۔