ٓ بھارتی آبی جارحیت یکطرفہ اقدامات کیخلاف بھارتی ہائی کمشن کے سامنے سول سوسائٹی کا احتجاج

جمعرات 24 اپریل 2025 19:25

ھ*اسلام آباد (اُردو پوائنٹ اخبارتازہ ترین - آن لائن۔ 24 اپریل2025ء)پہلگلام واقعے کی آڑ بھارتی آبی جارحیت یکطرفہ اقدامات کیخلاف بھارتی ہائی کمشن کے سامنے سول سوسائٹی کا احتجاج کیاگیا۔احتجاجی مظاہرے میں شرکا کی بڑی تعداد شریک ہوئی۔شہری مین گیٹ سے اندر داخل ہوگئے اور بھارتی ہائی کمیشن کی جانب پیش قدمی کی گئی ۔شرکاء بھارتی آبی جارحیت کیخلاف نعرے بازی کر رہے تھے۔

پاکستان مرکزی مسلم لیگ کی جانب سے پورے ملک میں احتجاج کیا جارہا ہے ۔

(جاری ہے)

شرکاء کا کہنا تھا کہ اگر اس خطے میں جنگ کی صورتحال پیدا ہوتی ہے تو پوری دنیا کو مسئلہ ہو گا،انڈیا نے پہلگام میں جو آپریشن کیا اس کی مذمت کرتے ہیں،غلط الزام لگا پاکستان پر جنگ مسلط کرنے کی کوشش کی پھر ابی نند کو ہم نے چائے پلا کے بھیجا، پاکستان میں انڈین دہشتگردی کا ثبوت کلبھوشن کی صور ت میں موجود ہے۔شرکاء کا کہنا تھا کہ انڈیا کسی غلط فہمی میں نہ رہے ہم منہ توڑ جواب دیں گے، تم اگر پانی بند کرو گے تو ہم تہماری سانسیں بند کریں گے،پھر ان دریاؤں میں خون بہے گا،ہندو بنیا کی یہ خصلت ہے کہ ان کو جواب نہ دو تو یہ بغل میں چھری اور منہ میں رام رام کریں گے،ہمیں بھارت کو منہ توڑ جواب دینا ہو گا۔