Live Updates

مودی نے اگر کوئی ایڈونچر کیا تو اس کو وہاں بھیجیں گے جہاں چائے بیچتا تھا

پاکستان کی پابندیوں سے انڈیا کو ہرآئندہ دن 500بلین کی مار پڑے گی جبکہ ہماری ٹریڈ ان پر انحصار نہیں کرتی، شہبازشریف کے پاس گولڈن موقع ہے کہ جامع حکمت عملی بنائیں۔ سینئر سیاستدان فیصل واوڈا کا ردعمل

ثنااللہ ناگرہ جمعہ 25 اپریل 2025 21:16

مودی نے اگر کوئی ایڈونچر کیا تو اس کو وہاں بھیجیں گے جہاں چائے بیچتا ..

اسلام آباد ( اردوپوائنٹ اخبار تازہ ترین۔ آئی پی اے ۔25 اپریل 2025ء ) سینئر سیاستدان فیصل واوڈا نے کہا ہے کہ پاکستان کی پابندیوں سے انڈیا کو ہردن 500بلین کی مار پڑے گی جبکہ ہماری ٹریڈ ان پر انحصار نہیں کرتی، مودی نے اگر کوئی ایڈونچر کیا تو اس کو وہاں بھیجیں گے جہاں چائے بیچتا تھا، شہبازشریف کے پاس گولڈن موقع ہے کہ جامع حکمت عملی بنائیں۔ انہوں نے سماء نیوز کے پروگرام میں گفتگو کرتے ہوئے کہا کہ بھارت کی کسی قسم کی جارحیت کا جواب دینے کی بھرپور تیاری ہے ، نیوکلیئر ہتھیار استعمال نہ کرنے جارہے ہیں اور نہ ہی توقع ہے کہ نوبت اس حد تک جائے گی، میرا تجزیہ پوچھیں تو ایل اوسی یا کشمیر میں پٹاخے بج سکتے ہیں ، ہم بھارت کو جواب بھرپور اور ڈبل طاقت سے دیں گے، اگر اس جواب آیا تو پھر ہمارا مزید شدت سے جواب ہوگا، بھارت کی ہر کاروائی کا جواب بڑھتا جائے گا، جواب کہاں اور کس طرح دیا جائے گا یہ کمانڈاینڈ کنٹرول اور سکیورٹی اداروں کا کام ہے ۔

(جاری ہے)

ہم سرحد پر بارڈر پر جنگیں نہیں لڑتے، ہم اپنے فوج اور سکیورٹی اداروں کو اخلاقی اور سیاسی سطح پر بھرپور سپورٹ کررہے ہیں۔ اللہ کے کرم سے ہمیں آرمی چیف قابل ملا ہے، ہم نے گولی کی بجائے بڑی سمارٹ چال چلی ، بھارت کی ایئراسپیس اور ٹریڈ بند کردی۔ اس نقصان کا مقصد بھارت کو پتا چلنا چاہئے۔ ہم نے بھارت کی دھمکی کا جواب معاشی پتھر سے دیا ہے، ہماری فوج کواس لئے تگڑی فوج کہا جاتا ہے کہ یہ اللہ اکبر کے نعرے پر چلتی ہے۔

انہوں نے کہا کہ اگر پانی پر مسئلہ بنا تو پہلا اسٹرائیک ہم لانچ کریں گے، یہ حملہ ایسا ہوگا کہ ابھی نندن کا معاملہ پیچھے رہ جائے گا۔سینئر سیاستدان فیصل واوڈانے کہا کہ پاکستان کی پابندیوں سے انڈیا کو ہردن 500بلین کی مار پڑے گی جبکہ ہماری ٹریڈ ان پر انحصار نہیں کرتی،مودی نے اگر کوئی ایڈونچر کیا تو اس کو وہاں بھیجیں گے جہاں چائے بیچتا تھا، شہبازشریف کے پاس گولڈن موقع ہے کہ جامع حکمت عملی بنائیں، اگر جنگ مسلط کی گئی تو ہم بھارت کی 7نسلیں ہلادیں گے۔