سکھر میں گرمی میں اضافہ،درجہ حرات بڑھنے لگا،سڑکوں پر سناٹے ،شہری گھروں میں محصور،ٹریفک بھی معمول سے کم

ہفتہ 26 اپریل 2025 18:35

سکھر(اُردو پوائنٹ اخبارتازہ ترین - این این آئی۔ 26 اپریل2025ء)سکھر میں گرمی میں اضافہ،درجہ حرات بڑھنے لگا،سڑکوں پر سناٹے چھا گئے،شہری گھروں میں محصور،ٹریفک بھی معمول سے کم تفصیلات کے مطابق ملک کے دیگر شہروں کی طرح سکھر اور اسکے گردنواح میں گرمی کی شدت میں اضافہ ہوگیا گرمی بڑھنے کے باعث معمولات زندگی بھی متاثر رہی اور سڑکوں پر ٹریفک معمول سے کم رہنے کیساتھ ساتھ سڑکوں پر سناٹے چھائے رہے محکمہ موسمیات کے مطابق گرمی میں اضافے کا امکان ہے دوسری جانب گرمی کی شدت میں سکھر الیکٹرک پاور سپلائی سپیکو انتظامیہ کی جانب سے شہری و دیہی علاقوں میں گھنٹوں بجلی کی لوڈشیڈنگ اور دن بھر آنکھ مچولی نے شہریوں کو مزید مشکلات میں ڈال دیا جس کے باعث گھریلوں اور کاروباری سرگرمیاں شدید متاثر رہی اور گھروں میں موجود خواتین اور بچوں کو شدید پریشانی کا سامنا کرنا پڑا۔