rسوات، ژوب اور گرد و نواح میں زلزلے کے جھٹکے، شدت 5 ریکارڈ

ہفتہ 26 اپریل 2025 19:45

cسوات (اُردو پوائنٹ اخبارتازہ ترین - آن لائن۔ 26 اپریل2025ء)زلزلہ پیما مرکز کے مطابق ریکٹراسکیل پر زلزلے کی شدت 5 ریکارڈ کی گئی، زلزلے کی زیر زمین گہرائی 130 کلو میٹر تھی۔ ژوب میں بھی زلزلے کے جھٹکے محسوس کیے گئے، جس کی شدت 4.9 اور گہرائی 30 کلومیٹر ریکارڈ کی گئی۔

(جاری ہے)

سوات مینگورہ شہر اور اس کے گردونواح میں زلزلے کے شدید جھٹکے محسوس کیے گئے، زلزلہ پیما مرکز کے مطابق زلزلے کی شدت ریکٹر اسکیل پر 5 ریکارڈ کی گئی۔

مرکز نے مزید بتایا کہ زلزلے کی زیر زمین گہرائی 130 کلومیٹر تھی جبکہ اس کا مرکز کوہ ہندوکش ریجن، افغانستان میں واقع تھا۔اب تک کسی جانی یا مالی نقصان کی اطلاع موصول نہیں ہوئی۔دوسری جانب ژوب میں بھی زلزلے کے جھٹکے محسوس کئے گئے ہیں۔ زلزلے کی شدت 4.9 اور گہرائی 30 کلومیٹر ریکارڈ کی گئی۔زلزلے کا مرکز ژوب سے 70 کلومیٹر جنوب مشرق میں تھا۔

Facebook Twitter Google + Share on Whatsapp

rسوات، ژوب اور گرد و نواح میں زلزلے کے جھٹکے، شدت 5 ریکارڈ

متعلقہ عنوان :

مزید قومی خبریں