Live Updates

کوہلی کے ایک آئی پی ایل سیزن کی کمائی، 10 ٹاپ پاکستانی کرکٹرز سے زائد

کراچی کنگز نے سب سے زیادہ مہنگے کھلاڑی کے طور پر وارنر کو منتخب کیا تھا

ہفتہ 26 اپریل 2025 20:55

نئی دہلی (اُردو پوائنٹ اخبارتازہ ترین - این این آئی۔ 26 اپریل2025ء)بھارت کے اسٹار کرکٹر ویرات کوہلی کی انڈین پریمئیر لیگ (آئی پی ایل) کے ایک سیزن میں کمائی پاکستان کے ٹاپ 10 کرکٹرز سے زیادہ نکلی۔پاکستان سپر لیگ (پی ایس ایل) کے 10ویں ایڈیشن پاکستان کے ٹاپ اسٹار کرکٹرز اپنی اپنی فرنچائزز کی نمائندگی کررہے ہیں تاہم لیگ میں سب سے مہنگے کھلاڑی کراچی کنگز کے ڈیوڈ وارنر ہیں جنہیں آئی پی ایل کی کسی فرنچائز نے اپنے اسکواڈ میں جگہ نہیں دی تھی۔

ڈیوڈ وارنر پی ایس ایل کے دوران کراچی کنگز کی کپتانی کے فرائض نبھارہے ہیں اور انہیں فرنچائز نے پلیٹینم کٹیگری میں منتخب کیا تھا جس میں انہیں 3 لاکھ ڈالر (8 کروڑ 41 لاکھ روپے سے زائد) کے معاوضہ دیا جائے گا تاہم آئی پی ایل کے سیزن 2024 میں انہیں 6.25 کروڑ روپے میں دہلی کیپیٹلز نے اپنے اسکواڈ کا حصہ بنایا تھا۔

(جاری ہے)

ادھر پی ایس ایل کے دوسرے مہنگے ترین کھلاڑی کی دوڑ میں 9 کھلاڑیوں میں بابراعظم، فخر زمان، شاہین آفریدی، ڈیرل مچل، صائم ایوب، نسیم شاہ، محمد رضوان، شاداب خان اور میتھیو شارٹ ہیں جنہیں 1.88 کروڑ روپے ادا کیے جارہے ہیں۔

رواں ایڈیشن کے اگر ٹاپ 10 پلئیر کی تنخواہوں کو جوڑا جائے تو مجموعی طور پر آئی پی ایل کے 6 پلئیرز اس سے زیادہ کمائی کررہے ہیں، ان میں ریشبھ پنت (27 کروڑ روپی)، شریس ایئر (26.75 کروڑ روپی)، وینکٹیش ایئر (23.75 کروڑ روپی) اور ہینرک کلاسن (23 کروڑ روپی)، نکولس پورن (21 کروڑ روپی) اور وراٹ کوہلی کیساتھ سرفہرست ہیں۔