رواں سال12لاکھ سے زائد شہریوں نے خدمت مراکز سے پولیس سروسز حاصل کیں، ترجمان

اتوار 27 اپریل 2025 21:40

لاہور (اُردو پوائنٹ اخبارتازہ ترین - اے پی پی۔ 27 اپریل2025ء) انسپکٹر جنرل پولیس ڈاکٹر عثمان انور کی ہدایت پر پنجاب پولیس کے خدمت مراکز شہریوں کو ڈیجیٹل خدمات کی فراہمی میں مصروف عمل ہیں، رواں سال اب تک 12 لاکھ 2 ہزار سے زائد شہریوں نے خدمت مراکز سے پولیسنگ سروسز حاصل کیں۔ ترجمان پنجاب پولیس نے بتایا کہ کہا کہ 05 لاکھ 77 ہزار سے زائد شہریوں نے جنرل پولیس ویریفیکیشن کروائی، 02 لاکھ 83 ہزار سے زائد شہریوں نے پولیس کریکٹر سرٹیفکیٹ حاصل کئے اور 01 لاکھ 39 ہزار سے زائد شہریوں نے کرایہ داری اندراج کروایا۔

اسی طرح 50 ہزار سے زائد شہریوں نے میڈیکولیگل سرٹیفکیٹس حاصل کئے، کمزور طبقات کیلئے جاری اقدامات کے تحت 44 ہزار سے زائد افراد کو قانونی و سماجی تحفظ فراہم کیا گیا، 14 ہزار سے زائد شہریوں نے وہیکلز ویری فیکیشن کروائی، 29 ہزار سے زائد شہریوں نے دستاویزات کی اندراج گمشدگی اور1581 نے جرائم رپورٹ کی رجسٹریشن کروائی۔

(جاری ہے)

ترجمان نے مزید بتایا کہ55 ہزار شہریوں نے ایف آئی آر کی نقول حاصل اور11 وویمن وائیلنس رپورٹس درج ہوئیں،5846 شہریوں نے ایمپلائیز رجسٹریشن (ROPE) کروائی اور 1212 شہریوں نے نجی ملازمت کیلئے پولیس ویریفیکیشن کروائی۔

آئی جی پنجاب نے کہا کہ خدمت مراکز پبلک سروس ڈلیوری کا شاندار فلیگ شپ پراجیکٹ اور شہریوں کو24/7 سہولیات فراہم کی جارہی ہیں، لاہور سمیت صوبہ بھر میں لاکھوں شہری ماہانہ پولیس خدمت مراکز کی سہولیات سے مستفید ہو رہے ہیں۔انہوں نے کہاکہ شہریوں کے فیڈ بیک کی روشنی میں سروسز کو مزید اپ گریڈ کیا جارہا ہے۔