Live Updates

نیویارک کے ٹائمزسکوائر پر بھارتی احتجاج بری طرح ناکام

مودی حکومت نے مبینہ طور پر سینکڑوں پاکستانی یوٹیوب چینلز کو بھارت میں بند کر دیا

پیر 28 اپریل 2025 21:08

نیویارک (اُردو پوائنٹ اخبارتازہ ترین - آن لائن۔ 28 اپریل2025ء) مودی حکومت کی مبینہ ایماء پر نیویارک کے ٹائمزسکوائر پر ہندوستانیوں کا کیا جانے والا احتجاج بری طرح ناکام ہو گیا۔ غیر ملکی خبر رساں ادارے کے مطابق یہ نام نہاد احتجاج سرحدی دہشت گردی کے خلاف ایک پہلے سے طے شدہ منصوبہ تھا۔

(جاری ہے)

بھارت کے اس متوقع احتجاج کے ردعمل میں پاکستانی تارکین وطن کی ایک بڑی تعداد بھی ٹائمز سکوائر پہنچ گئی، جس نے مقامی افراد کے ساتھ مل کر بھارتی احتجاج کو مکمل طور پر ناکام بنا دیا۔

میڈیا رپورٹ کے مطابق اپنی اس ناکامی پر بوکھلاہٹ کا شکار مودی حکومت نے مبینہ طور پر سینکڑوں پاکستانی یوٹیوب چینلز کو بھارت میں بند کر دیا ہے۔ ذرائع کا کہنا ہے کہ مودی سرکار کا اصل ایجنڈہ بھارتی عوام کو سچ سے دور رکھ کر ہندوتوا کے نظریے کو فروغ دینا ہے۔ٹائمز سکوائر پر احتجاج کی ناکامی اور پاکستانی یوٹیوب چینلز پر پابندی کو مودی حکومت کی بڑھتی ہوئی مایوسی اور بوکھلاہٹ کا واضح ثبوت قرار دیا جا رہا ہے۔