ایبٹ آباد، ٹرانسپوٹرز اور عوام میں کرایہ بڑھانے پرکشیدگی، ٹریفک پولیس کی مداخلت پر معاملہ حل کردیاگیا

پیر 28 اپریل 2025 23:20

ایبٹ آباد (اُردو پوائنٹ اخبارتازہ ترین - اے پی پی۔ 28 اپریل2025ء) ایبٹ آباد میں اسلام آباد روٹ کے اڈے پر ٹرانسپورٹرز اور عوام میں کرایہ بڑھانے پر کشیدگی کے بعدٹریفک پولیس ایبٹ آباد کی مداخلت پر معاملہ حل کر دیا گیا۔ٹریفک پولیس ایبٹ آباد نے روٹ کے ڈرائیورز کو سابقہ کرایہ لینے پر راضی کر لیا جس کے بعد معاملہ حل ہو گیا۔

(جاری ہے)

تفصیلات کے مطابق اسلام آباد روٹ کی گاڑیوں کے ڈرائیورز کی جانب سے کرایہ بڑھانے پر عوام کی جانب سے شدید ردعمل ظاہر کیا گیا ،جس پر اڈہ والوں کی طرف سے اسلام آباد روٹ کی تمام گاڑیوں کو بند کر دیا گیا ۔انسپکٹر ٹریفک پولیس وسیم خان اور انچارج لاری اڈہ کی جانب سے کشیدگی کو ختم کر کے پرانے کرایہ پر ہی گاڑیوں کو چلا دیا گیا۔