wملک کے 22 اضلاع کے ماحولیاتی نمونوں میں پولیو وائرس کی تصدیق

-لاہور، راولپنڈی، حیدرآباد، جیک آباد، قمبر‘ کراچی کیماڑی، کراچی ایسٹ، کراچی سینٹرل، لاڑکانہ، میر پور خاص، سجاول، سکھرشامل

پیر 28 اپریل 2025 19:10

ّاسلام آباد(اُردو پوائنٹ اخبارتازہ ترین - آن لائن۔ 28 اپریل2025ء) ملک کے 22 اضلاع کے ماحولیاتی نمونوں میں پولیو وائرس کی تصدیق کر دی ہے۔ نیشنل ایمرجنسی آپریشن سینٹر (این ای او سی) کے مطابق 17 سے 19 مارچ کے دوران 44 اضلاع سے 56 ماحولیاتی نمونے حاصل کئے گئے، چمن، ڈیرہ بگٹی، کوئٹہ، لکی مروت، پشاور کے ماحولیاتی نمونوں میں پولیو وائرس کی تصدیق ہوئی ہے، جبکہ لاہور، راولپنڈی، حیدرآباد، جیک آباد، قمبر کے ماحولیاتی نمونوں میں بھی پولیو وائرس کی تصدیق ہوئی ہے۔

(جاری ہے)

اس کے علاوہ کراچی کیماڑی، کراچی ایسٹ، کراچی سینٹرل کے ماحولیاتی نمونوں میں پولیو وائرس کی تصدیق، لاڑکانہ، میر پور خاص، سجاول، سکھر کے ماحولیاتی نمونوں میں بھی پولیو وائرس کی تصدیق ہوئی ہے۔ حکام این ای او سی نے کہا کہ تیسری قومی پولیو مہم 26 مئی سے شروع ہو گی، 26 مئی سے شروع ہونے والی کیمپین یکم جون تک جاری رہے گی۔