عزیز بھٹی تھانے کی حدود میں قانون کے رکھوالے بھیڑیئے بن گئے

تعینات شاہین فورس کے اہل کاروں نے موٹر سائیکل سوار طالب علم کو چیکنگ کے بہانے روک کر نہ صرف تشدد کا نشانہ بنایا بلکہ طالب علم کو ڈکیت ظاہرکرنے کے بعد ہاتھ میں اسلحہ تھما کر اس کا موبائل فون سے جھوٹا بیان بھی ریکارڈ کرلیا

پیر 28 اپریل 2025 21:05

کراچی(اُردو پوائنٹ اخبارتازہ ترین - این این آئی۔ 28 اپریل2025ء)عزیز بھٹی تھانے کی حدود میں قانون کے رکھوالے بھیڑیئے بن گئے، تعینات شاہین فورس کے اہل کاروں نے موٹر سائیکل سوار طالب علم کو چیکنگ کے بہانے روک کر نہ صرف تشدد کا نشانہ بنایا بلکہ طالب علم کو ڈکیت ظاہرکرنے کے بعد ہاتھ میں اسلحہ تھما کر اس کا موبائل فون سے جھوٹا بیان بھی ریکارڈ کرلیااور پولیس مقابلے میں جان سے مار دینے کی دھمکی دیتے رہے۔

طالب علم کے پاس موجود 5ہزار روپے اور قومی شناختی کارڈ چھیننے کے بعد شاہین فورس کے اہل کار طالب علم پر گھناونے الزام بھی عائد کرتے ہوئے طالب علم سے مزید دو لاکھ روپے منگوانے کا مطالبہ کیا اور رقم نہ دینے کی صورت میں جان سے مارنے کی دھمکیاں بھی دیں۔ شاہین فورس کے اہلکاروں نے طالب علم کے پاس موجود پانچ ہزار روپے اور قومی شناختی کارڈ بھی چھین لیا، طالب علم سے دو لاکھ روپے بھی منگوائے اور رقم نہ دینے کی صورت میں جان سے مارنے کی دھمکیاں بھی دیں۔

(جاری ہے)

موبائل فون پر طالب علم کے والد سے بات کرنے کے بعد مطمئن ہوجانے کے بعدطالب علم کو جانے کی اجازت دیتے ہوئے کہا کہ اگر کسی کو کچھ بتایا تو تمہیں چھوڑیں گے نہیں۔ قائم مقام ایس پی گلشن اقبال نے شکایت موصول ہونے پر شاہین فورس کے دونوں اہل کاروں کو معطل کرکے ان کے خلاف انکوائری کا حکم دے دیا۔