واشنگٹن نے یمن میں حوثیوں پر نئی پابندیاں عائد کر دیں

حوثیوں کے زیر کنٹرول بندرگاہوں تک مصنوعات پہنچانے پر 3 بحری جہازوں اور مالکان کو نشانہ بنایا گیا

منگل 29 اپریل 2025 13:37

واشنگٹن (اُردو پوائنٹ اخبارتازہ ترین - این این آئی۔ 29 اپریل2025ء)امریکہ نے یمن میں حوثیوں پر نئی پابندیاں عائد کر دی ہیں کیونکہ واشنگٹن بحیرہ احمر میں ایوی ایشن پر حملوں پر ایران سے منسلک گروپ پر دبا ڈال رہا ہے۔ پابندیوں کا اعلان امریکی محکمہ خزانہ کی ویب سائٹ پر کیا گیا۔میڈیارپورٹس کے مطابق امریکی ٹریژری کے دفتر برائے غیر ملکی اثاثہ جات کنٹرول نے یمن میں حوثیوں کے زیر کنٹرول بندرگاہوں تک ریفائنڈ پیٹرولیم مصنوعات کی فراہمی کے لیے تین بحری جہازوں اور ان کی مالک کمپنیوں پر پابندیاں عائد کی ہیں۔

اس سے حوثی عسکری سرگرمیوں میں مالی مدد کی گئی تھی۔جن بحری جہازوں پر پابندی لگائی گئی وہ Tulip BZ ، Maisan اور White Whale ہیں۔ ان کی ڈیلیوری جنرل لائسنس کے بعد کی گئی جس میں کچھ لین دین کی اجازت دی گئی تھی جس کی میعاد ختم ہو گئی تھی۔

(جاری ہے)

ان بحری جہازوں کی مالک کمپنیوں Zaas Shipping ، Bagsak Shipping Inc اور Great Success Shipping Co کو بھی حوثیوں کی مالی مدد کے الزام میں نامزد کردیا گیا ہے۔

ٹرمپ انتظامیہ نے حوثیوں کو ایک غیر ملکی دہشت گرد تنظیم کے طور پر نامزد کر رکھا ہے۔ پابندیوں میں ان اداروں اور بحری جہازوں کے تمام امریکی متعلقہ اثاثوں کو منجمد کرنا اور ان کے ساتھ لین دین کرنے والوں کو سخت پابندیوں یا ثانوی پابندیوں سے دوچار کرنا شامل ہے۔بحری جہاز وں ٹیولپ بی زیڈ پر سان مرینو پرچم تھا۔ میسان پر پاناما کا جھنڈا تھا اور وائٹ وہیل پر پاناما کا جھنڈا لہرا رہا تھا۔

کمپنیوں میں زاس شپنگ کمپنی مارشل جزائر میں رجسٹرڈ ہے۔ باگ سیف شپنگ انک ماریشش میں رجسٹرڈ ہے اور گریٹ سکسس شپنگ کمپنی مارشل جزائر میں رجسٹرڈ ہے۔امریکہ یمن کے حوثیوں کے زیر کنٹرول علاقوں میں ہتھیاروں کی سمگلنگ اور اسلحے کی سپلائی کے سودوں پر بات چیت کے لیے 7 سینیئر حوثی شخصیات پر پابندیاں عائد کر رہا ہے۔ امریکہ نے ایک حوثی کارکن اور اس کی کمپنی پر بھی پابندی عائد کی ہے۔ اس کارکن نے یمنی شہریوں کو یوکرین میں روس کے لیے لڑنے کے لیے بھرتی کیا تھا۔