سندھ کے کئی مقامات پر شدید گرمی کی لہر، مئی کے پہلے ہفتے بارش کا امکان

یکم مئی کومغربی ہواوں کاسلسلہ ملک کے بالائی علاقوں پر اثر انداز ہوسکتا ‘ یہ سسٹم 5 مئی تک ملک پر اثر انداز رہے گا: محکمہ موسمیات

منگل 29 اپریل 2025 15:36

کراچی(اُردو پوائنٹ اخبارتازہ ترین - این این آئی۔ 29 اپریل2025ء) محکمہ موسمیات نے سندھ بھر میں اگلے کچھ روز تک گرمی کا سلسلہ جاری رہنے کا امکان ظاہر کیا ہے۔ محکمہ موسمیات کے مطابق سندھ کے کئی مقامات کو گرمی کی لہر کاسامنا ہے اور کراچی میں بھی آئندہ کچھ روز موسم گرم اور مرطوب رہنے کاامکان ہے جب کہ آج اور کل شہر میں وقفے وقفے سے تیز ہوائیں چلتی رہیں گی۔

(جاری ہے)

محکمہ موسمیات کا بتانا ہے کہ یکم مئی کومغربی ہواوں کاسلسلہ ملک کے بالائی علاقوں پر اثر انداز ہوسکتا ہے اور مغربی ہواؤں کا یہ سسٹم 5 مئی تک ملک پر اثر انداز رہے گا۔ محکمہ موسمیات مطابق مغربی ہواؤں کاسسٹم ملک کے بالائی علاقوں میں بارش کا سبب بن سکتاہے اور سسٹم کے کچھ اثرات سندھ میں بھی بارش کی صورت میں ہوسکتے ہیں جس کے سبب 2 سے 3 مئی کے دوران سندھ میں چند مقامات پر بارش ہوسکتی ہے۔