Live Updates

بھارتی آبی جارحیت اور سندھ طاس معاہدے کی خلاف ورزی پرڈپٹی کمشنر سبی کی قیادت میں ریلی ، لوگوں کی بڑی تعداد میں شرکت

منگل 29 اپریل 2025 18:41

کوئٹہ (اُردو پوائنٹ اخبارتازہ ترین - اے پی پی۔ 29 اپریل2025ء) بھارتی آبی جارحیت اور سندھ طاس معاہدے کی خلاف ورزی پرڈپٹی کمشنر سبی جہانزیب شیخ کی قیادت میں ریلی نکالی گئی۔ ریلی کے شرکا میں اسسٹنٹ کمشنر منصور علی شاہ سمیت ضلعی و انتظامی افسران ، کسان و زمیندار ، سول سوسائٹی ، ہندو پنچائیت کے نمائندے، انجمن تاجران ، طلبا اور کثیر تعداد میں شہریوں نے شرکت کی ۔

(جاری ہے)

ریلی کے شرکا نے بینرز اٹھا رکھے تھے جس سندھ طاس معاہدہ کی معطلی اور بھارتی آبی جارحیت کے خلاف نعرے درج تھے ۔ مقررین نے خطاب کرتے ہوئے کہا کہ بھارت گھناؤنی سازش کے تحت پاکستان کا پانی بند کرنے کی جو کوشش کر رہاہے پاکستان اس کی یہ سازش کسی صورت کامیاب نہیں ہونے دے گا۔ انہوں نے کہا کہ ہماری مسلح افواج اپنے پانی اور سرحدوں کی حفاظت کرنا جانتی ہیں اور ہم بھارت سے اپنے حق کا پانی ضرور لے کر رہیں گے چاہے اس کیلئے ہمیں کچھ بھی کرنا پڑے۔ اگر بھارت جنگ چاہتا ہے تو پاکستان کا بچہ بچہ،تمام عوام اپنی مسلح افواج کے شانہ بشانہ کھڑے ہیں اور دشمن بھارت کو ہر فورم پر منہ توڑ جواب دیں گے۔